“Drama e shqiptarëve është e pafund”/ Skandali në Aeroportin e Rinasit, si po “zhvaten” qytetarët

25 Maj 2022, 11:26, Denoncim CNA
“Drama e shqiptarëve është e pafund”/ Skandali
Aeroporti i Rinasit

Anëtari i Bordit Drejtues të Bindjes Demokratike, Leonard Olli, ka denoncuar një skandal, që sipas tij po ndodh në Aeroportin e Rinasit.

Edhe pse Qeveria shqiptare ka deklaruar se janë hequr masat kufizuese të pandemisë së COVID-19 dhe se në pikat kufitare nuk do të kërkohet test as certifikatë vaksinimi, Olli thekson se kjo nuk po zbatohet në Aeroportin e Rinasit.

Sipas tij, asnjë pasagjer nuk lejohet të udhëtojë, nëse nuk bën testin e shpejtë.

Drama e shqiptarëve është e pafund! Si jashtë kufijëve ashtu edhe brenda Shqipërisë. Nuk mjafton terrorizimi i banorëve të kryeqytetit se do organizohet një finale, që duhet të ishte një aktivitet thjesht i mirë organizuar, por telashet vazhdojnë në aeroportin ndërkombëtar Nënë Tereza, ku pa asnjë njoftim paraprak, në mungesë të plotë transparence apo njoftimi paraprak, udhëtarëve u kërkohej rapid test, ndërkohë që nuk ka asnjë masë të tillë as në Itali, as në Greqi apo Gjermani.

“Drama e shqiptarëve është e pafund”/ Skandali

Dhe askush nuk reagon, askush nuk merr përsipër se mbi çfarë kriteresh detyrohen udhëtarët të kryejnë një test të tillë.

E vetmja përgjigje është: Do të udhëtosh bëj testin!

Ftoj Ministrinë e Shëndetësisë apo ambasadat e vendeve të BE-së dhe SHBA-të shprehen nëse ekzistojnë kërkesa të tilla dhe çfarë protokollesh ndiqen për informimin e udhëtarëve.

Sa për TIA nuk kam asnjë shpresë të reagojë pasi nëse do kishte reagim do të fillonte me detyrimin minimalist për të informuar udhëtarët si në masmedia ashtu edhe në ambientet e brendshme të aeroportit. Në Shqipëri klienti nuk është mbret, por thjesht një skllav që nuk meriton as shërbimin të cilin e paguan si frëngu pulën….”-shkruan Olli./CNA.al

Lajmet e fundit nga