Ekskluzive/ Policia kontrolle në Korçë për Klodian Zoton

13 Qershor 2022, 16:46, Aktualitet CNA
Ekskluzive/ Policia kontrolle në Korçë për Klodian Zoton
Klodian Zoto

Forcat operacionale të policisë disa ditë më parë kanë ushtruar kontrolle në qytetin e Korçës, pas informacioneve të marra në lidhje me shtetasin Klodian Zoto, pronari i kompanive të inceneratorëve, njeriu që qëndron pas një afere të firmosur me qeverinë shqiptare për të kapur të paktën 480 milionë euro.

Klodian Zoto, Stela Gugallja dhe bashkëpunëtori i tyre Mirel Mërtiri janë nga njerëzit kryesorë në zinxhirin e kompanive, të cilat firmosën tre kontrata të rëndësishme me qeverinë shqiptare; inceneratorin e Elbasanit, atë të Fierit dhe atë të Tiranës.

Ku për këtë arsye ish ministri i Mjedisit Lefter Koka ndodhet pas hekurave, pas vendimit të gjykatës me kërkesën e SPAK. Ndërkohë Zoto dhe Gugallja u larguan, por ata janë shpallur në kërkim. SPAK ka mundur të sigurojë informacione se Klodian Zoto ndodhej në Korçë pasi ai ka atje familjarë të tijdhe qëndronte në këtë qytet.

Por me vajtjen e Forcave Operacionale janë kryer kontrolle të rëndësishme, por mesa duket Klodian Zoto sërish është njoftuar paraprakisht dhe është larguar e nuk është gjetur.

Ka patur lajme kontradiktore në lidhje me qëndrimin e Klodian Zotos. Shpesh deklarohej se ishte në Tiranë, më pas kishte ikur në Maqedoninë e Veirut e më pas ishte larguar. Dikush thoshte se ishte në Vienë. Por në fakt, mesa duket SPAK ka pasur indiciet e tij dhe më pas ka qenë Operacionalja që ka shkuar dhe ka bërë kontrollin e fundit në Korçë, por kanë dalë me duar bosh./CNA.al

 

Lajmet e fundit nga