“Ç’punë ka gjykata penale me sallën e operacionit?”/ Ish-ministri në krah të mjekut, mesazhi për Yuri Kim
13 Qershor 2022, 09:21, AktualitetCNA
Ambasadorja e SHBA-së, Yuri Kim
Ish-ministri i Drejtësisë, Ylli Manjani, ka reaguar në lidhje me hetimet ndaj mjekut Edvin Prifti.
Në një postim në rrjetet sociale, Manjani shkruan se drejtësia penale që kemi instaluar është bolshevike.
Sipas tij, nuk mundet që mjeku të ndalohet të ushtrojë profesionin, nëse nuk ka një vendim nga Urdhri i Mjekëve.
“Siç kam thënë në mënyrë të përsëritur dhe prej vitesh, drejtësia penale që kemi instaluar është BOLSHEVIKE.
Qëllimi nuk është ndëshkimi i krimit, por kriminalizimi me çdo kusht i viktimës! I atij/asaj që e kanë vënë në rreth të kuq për ta degjeneruar.
Taktika është e njohur. Në fillim të çelin një hetim me tam tame të mëdha. Të arrestojnë me zhurmë të madhe që të kënaqet turma.
Pastaj bëjnë sikur hetojnë, pasi të kanë arrestuar. Ti e pyet "a më arrestove çdo hetosh më"?! Por jo, ti je i dënuar me hetim. Pastaj me zgjatje hetimi. Pastaj prapë zgjatje hetimi....
Kërkon prova por nuk ka. Sa më shumë kërkon prova nga akuza, aq më shumë zgjatet hetimi. Ndërkohë ti nuk je qytetar i lirë. Je në burg, pa vendim dënimi, ose me masa ndaluese të tjera.
Mjeku në këtë rast nuk lejohet të operojë!!! Po ç’punë ka gjykata penale me sallën operacionit?!- pra pyet ti.
Ata të japin një urdhër të dytë ndalimi të punosh. Një mjeku ja ndalon profesionin Urdhëri i Mjekëve jo gjykata penale... Apo ç'e deshe!
Nejse, ata hetojnë, pavarësisht se nuk kanë provuar asgjë deri më tani. Ti kërkon garanci procedurale, liri e të drejta kushtetuese, por hetimet "thellohen". Ndërkoha ka letra anonime, ka shkrime të porositura në portale për ty. Prandaj po hetojmë... Diçka do kesh bërë!!!
Të ka pirë e zeza me pak fjalë. Le të jesh sa të duash i zoti në profesion. Madje sa më i zoti të mbahesh aq më shumë do hetohesh.
U bone ti!
Po akuza e parë pse nuk shkon në gjyq?!
Hetimet janë komplekse. Një anonim ka folur keq për ty....
Ja ky është standarti i drejtësisë së re. Njësoj si drejtësia bolshevike që kishim para 90-ës.”-shkruan Manjani.
Më tej, ai i drejton edhe një mesazh ambasadores së SHBA-së në Tiranë, Yuri Kim, ndërsa shkruan “A e dëgjon, zonja Kim?!
Bol-she-vi-ke. Mesa kemi pas ditur, bolshevizmi nuk ka asnjë lidhje me drejtësinë Amerikane. Apo e dinim gabim?!
Mos të rëntë halli, sepse nuk ke shpresë. Nga ana tjetër nuk ka më asnjë garanci që halli nuk të zë. Abuzimi me lirinë tënde është 360?.
Ne dënuam Sajmirin, ashtu fët e fët pa prova e pa llogjikë, për ju të tjerët nuk ka më garanci...
