Altin Goxhaj sulmon SPAK-un/ Çfarë fshihet pas kontrolleve dhe akuzave ndaj Edvin Priftit

11 Qershor 2022, 20:33, Aktualitet CNA

Altin Goxhaj sulmon SPAK-un/ Çfarë fshihet pas kontrolleve dhe

Avokati Altin Goxhaj

Avokati Altin Goxhaj ka dalë në mbrojtje të mjekut Edvin Prifti, në banesën dhe zyrën e të cilit SPAK-u bëri kontrolle pak ditë më parë, duke e dyshuar si pikë kontakti me mjekët italianë për trafikim ilaçesh dhe falsifikim recetash.

Goxhaj sulmon SPAK-un dhe deklaron se me urdhër nga qeveria, po bëhet pis dhe goditet pa asnjë provë mjeku.

Sipas tij, kjo goditje ka ardhur vetëm se Prifti denoncoi në dhjetor të 2020-ës rrezikun që paraqisnin vaksinat mRna si eksperimente të terapisë gjenike.

“E vërteta është si drita e diellit. Ushtarët e SPAK-ut kanë marrë urdhër nga lart për të bërë pis dhe goditur pa asnjë provë, lidhje, hetim, fakt, provë, mjekun Edvin Prifti, i cili po vuan një kalvar të gjatë mbi 1-vjeçar vetëm e vetëm sepse me kompetencën e tij profesionale denoncoi në dhjetor 2020 rrezikun që paraqisnin vaksinat mRna si eksperimente të terapisë gjenike dhe kjo frikësoi ekzekutorët e Axhendës së PLANdemisë.

Unë kam ndjekur me vëmendje absurdin e “përfshirjes” pa asnjë lloj lidhje, pa asnjë hetim italian (ata as që e përmendin emrin e Edvin Prifit), veç për të bërë pis pas dështimit të hetimit ku është provuar fshehja e provave nga DPAK që e nxjerrin 100% të pastër dhe të pafajshëm mjekun e shkëlqyer Edvin Prifti.

Urdhërat SPAK (KAPAK I KRIMIT) qartas i vijnë nga Qeveria por këtë herë kanë kapërcyer çdo kufi ligjor duke u kthyer në një institucion propagande sepse në aspektin hetimor nuk kanë absolutisht asnjë lloj prove por veç diversione mediatike!

Mjeku Edvin Prifti ka kaq kohë që nuk i lejohet të operojë pacientët duke sjellë rritje galopante të numrit të vdekjeve edhe për shkaqe lehtësisht për shkak të shpëtueshme, veç sepse ai duhet bërë shembull frikësimi për mjekët e tjerë që të heshtin për denoncimin e rrezikut të vraksinave që po shkaktojnë vdekje pa fund të paetiketuara për shkakun real por thjesht si atake kardiake!

Ky është një krim shtetëror që tregon se SPAK përveçse KAPAK I KRIMIT SHTETËROR është kthyer edhe në çomangë të Qeverisë për të goditur kundërshtarët dhe ata që rrezikojnë Establishmentin Oligarkik Qeveritar!

Ne duhet të mos heshtim dhe të mos lejojmë përbaltjen kriminale të një prej mjekëve më brilant dhe më humanist të Shqipërisë!”, deklaron avokati./ B.A. – CNA.al