LEXO PA REKLAMA!

SHKARKO APP

App Store
Google Play

Dokumente ekskluzive/ Zbardhet skenari, si Habilaj dhe "Top Channel" 'u hidhnin hi syve' shqiptarëve për inceneratorët

26 Qershor 2022, 17:57, Denoncim CNA
Dokumente ekskluzive/ Zbardhet skenari, si Habilaj dhe "Top Channel"
Endrit Habilaj

CNA.al ka zbardhur një skemë të plotë, ku ka treguar me dokumente se si "Top Channel" merrte para dhe bënte reklamë se sa të mirë ishin inceneratorët, ndërkohë që këta të fundit kanë marrë miliona euro nga paratë e taksapaguesve.

Mes personazheve të denoncuar nga CNA.al është edhe gazetari Endrit Habilaj, ish-autori i emisionit “Top Story”, i cili për vite më radhë është transmetuar në "Top Channel".

"VOX TV",  “Infinit Communication”, dhe "SHQIP", janë tri kompani që kanë administrator Endrit Habilajn dhe bashkëshorten e tij Uarda Habilaj.

Me të tria këto kompani Endrit Habilaj ka marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.

Për ata që kishin mendimin tjetër, ja ku janë dokumentet e skenarit të një prej emisioneve në "Top Channel" për inceneratorët.

Dokumente ekskluzive/ Zbardhet skenari, si Habilaj dhe "Top Channel"
Skenari i emisionit

Dy dokumentet e siguruara nga CNA.al janë të skenarit të emisionit të datës 09/10/2020, ku "Top Channel" propagandonte se si do të jepej një zgjidhje për mbetjet me ndërtimin e Landfillit të Fierit.

Një televizion kombëtar propagandonte dy vite më parë se Landfilli i Fierit ishte i certifikuar me standarde europiane.

Ky skenar tregon edhe një herë "lojën" e pisët të këtij televizioni nëpërmjet Ornelës së marketingut që merrte lekët dhe Endrit Habilajt që tashmë ka ikur nga "Top Channel".

Dokumente ekskluzive/ Zbardhet skenari, si Habilaj dhe "Top Channel"
Skenari i emisionit

Por këto nuk janë gjë tjetër veçse tentativat e "Top Channel" që donte "t’u hidhte hi syve" shqiptarëve për koncesionin, duke thënë se sa i suksesshëm dhe i mirë ishte, thjeshtë dhe vetëm për faktin se i mbushi thasët me miliona euro.

Në fakt, ky nuk është i vetmi skenar, pasi CNA.al ka siguruar edhe dokumente të tjera, të cilat do t’i sjellim në ditët në vijim, duke zbardhur kështu skemën se si "Top Channel" po tentonte të mashtronte shqiptarët për një aferë gjigante, duke shërbyer dhe marrë lekë nga inceneratorët./ CNA.al

Lajmet e fundit nga