Kamikazi i korrupsionit të inceneratorëve duhet të thirret në SPAK

22 Qershor 2022, 21:12, Aktualitet CNA
Kamikazi i korrupsionit të inceneratorëve duhet të thirret
Endrit Habilaj

Endrit Habilaj, është një nga kamikazët e korrupsionit të inceneratorëve, i cili ka marrë me dhjetëra mijëra euro në muaj nga taksat e shqiptarëve.

"VOX TV",  “Infinit Communication”, dhe "SHQIP", janë tri kompani që kanë administrator Endrit Habilajn dhe bashkëshorten e tij Uarda Habilaj.

Më të tria këto kompani Endrit Habilaj, ka marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.

Habilaj, të cilin e dëbuan nga "Top Channel" dhe e akuzuan për gjobaxhi, ka qenë një nga njerëzit kyç që është financuar nga afera e shekullit, inceneratorët.  

Kamikazi i korrupsionit të inceneratorëve duhet të thirret

Por si ka përfituar Endrit Habilaj?

CNA.al, përmes dokumenteve ekskluzive ka treguar shumat marramendëse që ka përfituar Endrit Habilaj përmes kompanive të ndryshme, njërën prej të cilave e ka pasur në emër të bashkëshortes së tij.

Me anë të kompanisë "VOX TV", Endrit Habilaj, ka marrë 979 949 lekë të rinj, në pak muaj të vitit 2021.

Janë katër fatura, të sjella ekskluzivisht nga CNA.al dhe që konfirmojnë marrjen e parave nga njerëzit e inceneratorëve në mënyrë sistematike.

Edhe nëpërmjet kompanisë “Infinit Communication”, Endrit Habilaj, ku është ortak me Ornela Pangon, ka marrë 1 774 872 kekë të rinj, vetëm me 4 fatura.

Kamikazi i korrupsionit të inceneratorëve duhet të thirret

Faturat janë lëshuar në pak muaj në vitin 2021 dhe shkojnë në qindra miliona lekë.

Ndërsa me kompaninë tjetër, "SHQIP", të kamufluar në emër të bashkëshortes Uarda Habilaj, pronarët e inceneratorëve, sipas faturave të siguruara nga CNA.al, kanë dhënë rreth 20 000 euro.

CNA.al ka siguruar pesë fatura të vitit 2021, ku nëpërmjet subjektit "SHQIP", bashkëshortja e Habilajt ka marrë gati 30 milionë lekë, këto vetëm për pak muaj.

Në total për vitin 2021, Habilaj është paguar nga inceneratorët 2 847 079 lekë.

Të gjitha këto pagesa kanë bërë që Habilaj në mediat që janë në godinën e "Top Channel" dhe përmes emisionit “Top Story” të bënte propagandën më të mirë për inceneratorët, nga të cilët përfitoi dhjetëra mijëra euro.

Kamikazi i korrupsionit të inceneratorëve duhet të thirret

Ish-ministri Lefter Koka u arrestua për disa kompani që merrnin para nga inceneratorët. Ndërsa kamikazi i korrupsionit të inceneratorëve, Endrit Habilaj, ka përfituar nga komanitë që kishte në emër të tij dhe të gruas dhjetëra miliona lekë nga Klodian Zoto e Mirel Mërtiri.

Në dosje inceneratorët në SPAK, duket se radhën do e kenë edhe gazetarë apo ish-drejtues mediash që kanë futur duart për të mbushur xhepat e tyre me paratë e aferës së inceneratorëve nga taksat e qytetarëve shqiptarë.

Qytetarët janë duke pritur, se kur do të thirret Endrit Habilaj në SPAK për përfitimet marramendëse nga afera e shekullit./CNA.al

Lajmet e fundit nga