Si Habilaj mori para nga inceneratorët për gruan?

24 Qershor 2022, 11:06, Denoncim CNA
Si Habilaj mori para nga inceneratorët për gruan?
Endrit Habilaj

CNA.al ka zbardhur një skemë të plotë, ku nëpërmjet dokumenteve kemi treguar se si personazhe të ndryshme apo media janë paguar nga kompanitë që kanë marrë koncesionin e inceneratorëvë në Shqipëri.

Mes personazheve të denoncuar nga CNA.al është edhe gazetari Endrit Habilaj, ish-autori i emisionit “Top Story”, i cili për vite më radhë është transmetuar në "Top Channel".

Pas dy kompanive "VOX TV" dhe “Infinit Communication”, është edhe një tjetër kompani me të cilën Endrit Habilaj ka marrë para nga pronarët e inceneratorëve.

Habilaj rezulton të ketë marrë para nga njerëzit e inceneratorëve edhe nëpërmjet bashkëshortes së tij, Uarda Habilaj, e cila ka në pronësi kompaninë, "SH.Q.I.P.".

Si Habilaj mori para nga inceneratorët për gruan?
Endrit Habilaj, Uarda Habilaj

Kompania "SH.Q.I.P" mban numrin e identifikimit L92405003Q dhe është regjistruar me 5.12.2019, me veprimtari në fushën e mediave online dhe marketing.

CNA.al ka siguruar pesë fatura të vitit 2021, ku nëpërmjet subjektit "SH.Q.I.P", bashkëshortja e Habilajt ka marrë gati 30 milionë lekë këto vetëm për pak muaj.

Konkretisht në janar të vitit 2021, ai ka përfituar 932.753 Lekë, në shkurt shuma që i është paguar është 342 240 Lekë. Po në muajin shkurt Habilaj ka marrë nga inceneratorët, 889, 704 Lekë. Edhe muajin mars, rezulton se për Habilajn janë bërë dy pagesa nga inceneratorët, përkatësisht në shumat, 340, 142 Lekë dhe 342 240 Lekë.

Si Habilaj mori para nga inceneratorët për gruan?

Në total për vitin 2021, Habilaj është paguar nga inceneratorët 2 847 079 Lekë.

Pra, Habilaj edhe në këtë rast ka marrë dhjetëra mijëra euro, sistematikisht nga pronarët e inceneratorëve, me anë të skemave të ndryshme me kompani edhe në emër të bashkëshortes së tij.

Nga ana tjetër kujtojmë këtu se Habilaj ka pasur edhe një përplasje me aksioneren e "Top Channel", Vjollca Hoxha.

CNA.al po risjell në vëmendje të drejtësisë, jo vetëm pagesat nga inceneratorët, por edhe akuzat e ndërsjellta për gjobëvënie, mes Vjollca Hoxhës dhe Endrit Habilajt.

Disa muaj më parë, "Top Channel" publikisht e pranoi se ky ekran është përdorur për të vënë gjoba ndaj biznesmenëve.

E gjitha ka ardhur pas njoftimit për mbylljen e emisionit “Top story”.

Dhe Vjollca Hoxha duke thënë se na kishte hequr gjobaxhinjtë ka pranuar se në "Top Channel" ka pasur gjobaxhinj për vite e vite me radhë. Pasi emisioni "Top Story" në "Top Channel" kishte disa vite që transmetonte.

Vetë publikisht pranojnë se janë vënë gjoba. Edhe pse Vjollca Hoxha nuk doli kurrë të kërkojë një ndjesë publike. Pasi kushdo që të jetë përgjegjësi për gjobat, që vetë "Top Channel" e pranon që janë vënë përmes këtij ekrani, minimalisht Vjollca Hoxha do të duhej të kërkonte ndjesë.

Nga ana tjetër, ka edhe një detaj. Edhe vetë Endrit Habilaj, personi i akuzuar nga Vjollca Hoxha, ka reaguar dhe ka drejtuar të njëjtat akuza ndaj aksioneres së "Top Channel".

Në një postim në rrjetet sociale, Habilaj ka akuzuar Vjollca Hoxhën, për gjobëvënie ndaj biznesmenëve.

Dhe këtu, fjalën duhet ta thotë drejtësia. Kemi të bëjmë me dy personazhe që akuzojnë njëri-tjetrin për gjobëvënie.

Por, kush i vuri gjobat? Në xhepat e kujt shkuan paratë që pretendohet se u janë marrë biznesmenëve, nëpërmjet gjobave?

Këto janë pyetje, që do të duhet t’i sqarojnë organet e drejtësisë./CNA.al

 

Lajmet e fundit nga