LEXO PA REKLAMA!

SHKARKO APP

“Inceneratorët, mafie e pastër”/ Ish-ministri mesazh drejtësisë, nuk kursen dhe ambasadorët

18 Korrik 2022, 09:36, Aktualitet CNA
“Inceneratorët, mafie e pastër”/ Ish-ministri mesazh
Foto ilustruese

Ish-ministri i Drejtësisë, Ylli Manjani, ka bërë një reagim të fortë në lidhje me skandalin e inceneratorëve, por edhe situatën kriminale në vend.

Në një postim në rrjetet sociale, Manjani shkruan se inceneratorët janë mafie e pastër. Vjedhje e parave publike, për punë që nuk bëhen.

Sipas tij, inceneratorët, droga që vijon të hyjë lirisht në portin e Durrësit dhe vrasjet mafioze në publik, janë prova të qarta të ekzistencës së mafias.

Ai ka shigjetuar edhe institucionet e reja të drejtësisë, për të cilat thotë se ngjajnë si “pesticide”, ndërsa nuk ka kursyer as  ambasadorët.

Ku e lamë?!

Te incenatorët.

Te vjedhja e parave publike për punë që nuk bëhen (incenerator nuk ka) nga njëra anë dhe, në anën tjetër te shmangia e TVSH nëpërmjet faturimeve fiktive, duke përdorur pleq e të vdekur.

Mafie e pastër!

E strukturuar deri në detaj!

As nuk harrohet, as nuk mbulohet dot kjo veprimtari mafioze me polifoni apo me broçkulla vere të akademisë së shushkave.

Inceneratorët, pastrimi i parave nëpërmjet amistisë, droga që vijon të hyjë lirisht në portin e Durrësit dhe vrasjet mafioze në publik, janë prova të qarta të ekzistencës së mafias.

SPAK, KLGJ, KLP, ILP etj, ngjajnë çdo ditë e më shumë si emra pesticidesh të importuara nga mafia...

Pesticide që i reklamon akademia e shushkave dhe parlamenti i pykave.

Ambasadorët që thonë nën zë se e dimë që qeveria është mafioze por ne skemi se çbëjmë, nuk më ngushëllojnë fare... Përkundrazi provojnë se sa kot, po kot fare që janë.”-shkruan Ylli Manjani./CNA.al

Lajmet e fundit nga