web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët/ Kryemadhi: Kemi dosje tjetër, 170 milionë dollarë evazion fiskal nga kompanitë e përfshira

23 Qershor 2022, 21:47, Politikë CNA
Inceneratorët/ Kryemadhi: Kemi dosje tjetër, 170 milionë
Kryetarja e LSI-së, Monika Kryemadhi

Kryetarja e LSI-së paralajmëroi dorëzimin e një tjetër dosjeje në SPAK për çështjen e inceneratorëve. Kryemadhi tha se dosja do të dorëzohet javën tjetër në organin e akuzës. Në të provohet evazioni fiskal në masën 170 milionë dollarë nga kompanitë e inceneratorëve. Kryetarja e LSI-së tha në emisionin “Të Paekspozuarit” se dosja e dorëzuar më parë në SPAK për inceneratorët është një nga arsyet e vërteta të moshapjes së negociatave.

"BE nuk po tallet me shqiptarët. Institucionet në Bruksel vazhdojnë dhe bëjnë punën e tyre. Ajo që dua të vë në dukje është a është një lojë e sponsorizuar nga qarqet antishqiptare, për të nxitur këtë frymë antieuropiane. Mbaruam punë me Amerikën. Po stimulohet fryma antiamerikane dhe antieuropiane në Shqipëri. Çdo ditë kapen grupe të lidhura me trafikun e drogës. Ke rastin e inceneratorëve. Nuk e shohin ambasadat, por BE-ja e ka në tavolinë. Shumë shpejt edhe SPAK-u do të ketë një dosje me evazion fiskalë 170 milionë dollarë vetëm nga kompanitë e inceneratorëve. Këto u janë fshehur zyrave të taksapaguesve".

"Inceneratorët janë ata që paguajnë televizione, diarrenë e Erion Veliajt. Inceneratori është pika më e dobët që i ka shpëtuar Edi Ramës nga duart dhe është e vetmja pikë që kap dhe zbarthen të gjithë strukturën e krimit të organizuar, të drogës, të trafikut të armëve, të trafikut të njerëzve dhe ju akoma nuk e kuptoni. Pse zvarritet inceneratori Tiranës? U arrestua Alqi Bllako, po kryetari i Bashkisë së Fierit. Alqi Bllako kishte vënë një firmë kryetari i Bashkisë së Fierit ka paguar 460 milionë lekë. E ke me vendim të SPAK-ut. Klodian zoto është në kërkim, pse vazhdon qeveria shqiptare të paguajë në llogaritë e Klodian Zotos? Çdo ditë i paguan nga 80 mijë euro. Dhe ato para përdoren për të bërë shkrime kundër Monika Kryemadhit dhe Ilir Metës", tha Kryemadhi./CNA.al.





Lajmet e fundit nga