web counter
LEXO PA REKLAMA!

SHKARKO APP

App Store
Google Play

E fundit!

x

“Rama po shkon në përplasje me Europën”/ Tri lajmet e këqija që morëm sot nga Brukseli

23 Qershor 2022, 20:02, Politikë CNA
“Rama po shkon në përplasje me Europën”/ Tri lajmet e
Edi Rama

Ekspertja e integrimit europian, Ilda Zhulali, komentoi vizitën e Ramës në Bruksel.

Zhulali tha se sot morëm tri lajme të këqija nga Brukseli. Negociatat nuk u çelën, konferenca e anuluar dhe deklaratat e Ramës që treguan se po shkon në përplasje me Europën.

"Morëm lajmin për mosçeljen e negociatave të anëtarësimit.

Lajmi i dytë i keq ishte që konferenca e përbashkët BE-Ballkani Perëndimor u zëvëndësua nga një çarje e madhe e 'Ballkanit të Hapur'. Te kjo konferencë e 'Open Balkan' nuk mori pjesë BE-ja.

Kjo konferencë ishte lajmi më i keq dhe i pamerituar për shqiptarët dhe rajonin e Ballkanit Perëndimor.

Gjuha e Ramës ishte akoma më skandaloze, në kuptimin diplomatik dhe atë të interesit tonë kombëtar.

Erdhi nga një kryeministër që ka dështuar disa herë në marrëdhëniet me Europën. Vendos Shqipërinë në një pozitë jo komode dhe i cenon të ardhmen europiane.

Rama në vend që të përfshihet në proces lobimi intensiv për nisjen e negociatave të anëtarësimit, bëri të kundërtën, u angazhua për t'i imponuar Europës një vullnet të tij të ri që ishte 'Ballkani i Hapur'. Rama duket se ka vendosur të shkojë në përplasje me Europën.”-tha Zhulali./E.T-CNA.al

 





Lajmet e fundit nga