web counter
LEXO PA REKLAMA!

SHKARKO APP

App Store
Google Play

E fundit!

x

Mos-hapja e negociatave me BE-në/ Ish diplomati kritika Ramës: Ka rënë pre e Vuçiç

23 Qershor 2022, 18:34, Politikë CNA
Mos-hapja e negociatave me BE-në/ Ish diplomati kritika Ramës: Ka
Edi Rama e Aleksander Vuçiç

Ish diplomati, Agim Nesho ka folur lidhur me zhvillimet më të fundit në samitin e Brukselit, ku Shqipëria mori një tjetër ‘JO’ për hapjen e negociatave nga BE.

Nesho tha se arsyeja kryesore ishte mos-përmbushja e kritereve dhe standarteve nga ana e këtyre vendeve dhe jo vetoja bullgare.

 “Deri tani Ballkani Perëndimor është trajtuar në bazë të kritereve që duhen përmbushur dhe këto vende janë shumë larg atyre standarteve që duhet të arrijnë për t’u anëtarësuar në BE. Nëse Europa e Bashkuar mendojnë një moment politik, kjo është dicka pozitive, duhet të reflektojë edhe në politikën ballkanike por duke nxjerrë përgjegjësi mbi reformat që nuk janë zbatuar.

Nuk është e nevojshme të dënohet Europa se nuk ka një vendimmarrje ose ka mangësi në mekanizmin e saj të zgjerimit por duhet të kemi konceptin e drejtë ashtu sikurse reflektoi Gjeorgjia që i kërkoi llogari qeverisë së saj dhe jo Europës”, tha Nesho.

Ndërsa më tej, ai tha se retorika e Ramës ishte e gabuar pasi kishte rënë pre e Vuçiç ndërkohë që ky i fundit ishte në pozicion tjetër pasi Serbia i ka hapur negociatat me BE-në.

“Retorika e Ramës ishte në funksion të prezantimit më të fuqishëm të Ballkanit të Hapur prandaj edhe tre liderët ballkanikë morën pjesë në Samitin e Brukselit. Kjo tregon shumë, sepse ka rënë pre e iniciativave të Vuçiç i cili nuk është në të njëjtin status pasi Serbia i ka hapur negociatat me BE-në ndërsa Shqipëria dhe Maqedonia e Veriut jo” – u shpreh Nesho./E.T-CNA.al





Lajmet e fundit nga