web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Para se të bëhej investitor strategjik, bashkëshorti i Olta Xhaçkës ka  përfituar pagë lufte

23 Qershor 2022, 15:47, Politikë CNA
Skandal/ Para se të bëhej investitor strategjik, bashkëshorti i
Olta Xhaçka me bashkëshortin Artan Gaçi

Në seancën e sotme plenare, ka pasur një interpelancë të kërkuar nga deputeti i PD Agron Shehaj për investimet strategjike.

Pas diskutimeve të shumta në Kuvend për përfitim të pronave shtetërore në bregdetin e jugut, një tjetër skandal ka dalë në dritë.

Deputeti i PD Gazment Bardhi në një postim në rrjetin social Facebook, shkruan se Artan Gaçi, bashkëshorti i Xhaçkës, para se të bëhej investitor strategjik dhe të investojë 5.5 milionë euro, me firmë të Edi Ramës ka përfituar pagë lufte gjatë kohës së pandemisë si shtresë në nevojë, për të cilën qeveria dha mbështetje gjatë karantinës.

 

“Vetëm me firmë te Edi Ramës mund të ndodhë që sot të jesh “shtresë në nevojë” dhe të përfitosh “pagë lufte” 400 mijë lekë të vjetra, dhe të nesërmen të gdhihesh investitor strategjik që ke kapacitet financiar për të investuar as më shumë dhe as më pak, por plot 5.5 milion euro. Ky është rasti i përfitimit të paligjshëm të pronave publike nga ministrja Olta Xhaçka!”, shkruan Bardhi./CNA.al





Lajmet e fundit nga