“Anëtari i bandës së Elbasanit bleu vota”/ Berisha flet me emra, mesazhi i fortë

23 Qershor 2022, 11:37, Politikë CNA

 

“Anëtari i bandës së Elbasanit bleu vota”/ Berisha
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka folur me tone të forta sot gjatë një prononcimi për mediat, jashtë sallës së Kuvendit.

Berisha tha se anëtarë të bandës së Elbasanit kanë blerë vota për PS-në, ndërsa u bëri thirrje mediave të publikojnë çdo material, që sipas tij implikon edhe kryeministrin Edi Rama.

“Dola këtu për të denoncuar publikisht lidhjet e mëdha dhe të tmerrshme të Taulant Begos me Gentian Sharrën, njërin prej anëtarëve më të rrezikshëm të Bandës së Elbasanit. Mes Taulant Begos dhe Sharrës ekzistojnë të paktën 50 telefonata dhe qindra kilometra zbardhje të gjata të këtyre bisedave.

Biseda që e faktojnë Taulant Begon, anëtar të inkriminuar të bandës së famshme të Elbasanit.

Taulant Bego ka marrë përsipër, ka dhënë porosi nga më të paligjshmet dhe ka kryer detyra nga më të paligjshmet në interes të Gentian Sharrës.

Pra, Gentian Sharra është njeriu që ka blerë vota për anëtarin kriminel të Bandës së Elbasanit, që quhet Taulant Bego. Për PS-në dhe atë.

Gentian Sharra është njeriu që ka blerë vota për anëtarin kriminel të bandës së Elbasanit që quhet Taulant Bego.

Ju bëj thirrje të publikoni çdo regjistrim, çdo dokument që implikon apo njëson Edi Ramën dhe bashkëpunëtorët e tij me bandën e Elbasanit.”-tha Berisha./CNA.al

Lajmet e fundit nga