E fundit!

16:47 Aktualitet

Mosfillimi i hetimeve për punonjësit e paraburgimit/ Gjykata e Tiranës rrëzon Metën

Gjykata e Tiranës ka vendosur të rrëzojë kërkesën e paraqi...

"Rama i fal ministres plazhin publik për 30 vite"/ Shehaj zbardh detajet, Spiropali e justifikon

23 Qershor 2022, 10:45, Politikë CNA

"Rama i fal ministres plazhin publik për 30 vite"/ Shehaj zbardh

Deputeti i Partisë Demokratike, Agron Shehaj, sot gjatë fjalës së tij në Kuvendin e Shqipërisë, është ndalur sërish te ligji për Investimet Strategjike.

Shehaj hodhi akuza ndaj qeverisë së Ramës dhe ministres për punët e Jashtme dhe Europën, Olta Xhaçka.

Ai theksoi se Rama ka favorizuar familjen e Olta Xhaçkës duke e bërë atë investitor strategjik në projektet në plazhet e jugut.

Agron Shehaj ka akuzuar ministren e Jashtme, Olta Xhaçka, se ka përfituar prona shtetërore për familjen e saj.

“Të bësh interpelancë për vjedhje në këtë qeveri duket absurde. Çdo koncesion një krim, çdo ligj një favor, çdo tender një grabitje. Xhaçka, Rama marrin përfitime për veten e tyre. Afera për të cilën flasim sot është e paprecedentë. Një qeveri mblidhet dhe merr vendim për favore publike ndaj një politikani.

A e dinte Rama që po i falte plazhin publik për 30 vite ministres së punëve të jashtme.
Rama i dha statusin e investitorit strategjik familjes së Xhaçkës përmes bashkëshortit të ministres.

Për të mashtruar ligjin familja ministrore krijon një kompani me emër të ngjashëm, jo në emër të bashkëshortit, por në emër të një personi të ngushtë. Pronarja e kësaj kompanie në letra është një shtetase amerikane, 31 vjeçe. Kapitali i saj, bashkëjetesa me vëllain e Xhaçkës. A mund ta mbajë postin ministrja pas kësaj?”, tha Shehaj.

Por, pas fjalës së Shehajt, ka reaguar ministrja e Shtetit për Marrëdhëniet me Parlamentin, Elisa Spiropali, e cila ka marrë në mbrojtje Xhaçkën, duke tentuar të justifikohet.

“Investimet strategjike janë mundësi, potencial zhvillimi dhe projekte që meritojnë mbështetje të organeve shtetërore, edhe pse fatkeqësisht janë shndërruar në ushqimin e radhës të traditës së vjetër të përbaltjes politike.

Ju e dini mirë se ç'po bëni, por dua të sqaroj qytetarët se statuti i investitorit strategjik nuk është favor apo dhuratë, por një e drejtë ligjore”, -tha Spiropali./CNA.al