web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 7 korrikut/ Berisha zbardh skenarin

23 Qershor 2022, 10:33, Politikë CNA
Protesta e 7 korrikut/ Berisha zbardh skenarin
Ish-kryeministri Sali Berisha

Ish-kryeministri Sali Berisha ka folur para Parlamentit për protestën e 7 korrikut kundër qeverisë, të cilën e paralajmëroi mbrëmjen e djeshme.

Berisha zbuloi se protesta do të zhvillohet në orën 19:00, ndërsa theksoi se do të protestohet ndaj qeverisë dhe Parlamentit.

“Protesta do të bëhet në orën 7 e darkës, në Tiranë, mu në sheshin e saj më të madh, ku këtu sigurisht Tirana e tëra do të derdhet… Protesta do të zhvillohet para shqiptarëve dhe natyrisht do të protestohet ndaj qeverisë dhe Parlamentit”, theksoi kreu i PD-së.

I pyetur nëse pas 7 korrikut, do të vijohet sërish me protesta, Berisha tha se “Ajo do vendoset, sepse ju e patë që lindi nga shpirti i pjesëmarrësve, një koalicion i paparë me Shoqërinë Civile”.

Po ashtu Berisha paralajmëroi se Rama do të largohet.

“Me drejtuesit e lartë të PD është konsultuar data e protestës, por duhej të gjente miratim të plotë dhe në Shoqërinë Civile. Dhe ju e patë sesi u duartrokit mbrëmë. Rama nuk është larguar, por do të largohet”, nënvizoi kreu i PD-së./ B.A. – CNA.al





Lajmet e fundit nga