LEXO PA REKLAMA!

SHKARKO APP

Opozita nis protestat/ Berisha: Më 7 korrik do të mblidhemi në Tiranë

22 Qershor 2022, 21:22, Politikë CNA
Opozita nis protestat/ Berisha: Më 7 korrik do të mblidhemi në
Ish-kryeministri dhe kryetari i Partisë Demokratike, Sali Berisha

Ish-kryeministri dhe kryetari i Partisë Demokratike, Sali Berisha, ka zbuluar datën e protesës së parë kombëtare të opozitës, pas ringritjes së PD-së.

Berisha tha gjatë një takimi me aktivistë se protesta do të mbahet më 7 korrik, në Tiranë.

Kreu i PD-së theksoi se kjo është një betejë e jashtëzakonshme dhe e rëndësishme që duhet të shtrihet në mbarë vendin.

“Protesta duhet të lindë aty ku lind e padrejta. Revolta duhet të lindë aty ku lind dhuna. PD do bëjë gjithçka që t’i jetësojë këto parime. Ky është një regjim që nuk meriton të ekzistojë asnjë ditë. Përpiqem t'u rikujtoj bashkëbiseduesve të mi se pas vitit 1990 Ramiz Alia nuk ishte pa mbështetje. Televizionet e huaja e quanin Gorbaçovi i Ballkanit edhe pse vriste të rinj në katër anët e kufirit të Shqipërisë. Ato nuk përcilleshin ose injoroheshin. Unë nuk habitem kur dëgjoj deklarata në mbështetje të Edi Ramës.

E rëndësishme është që ne të marrim përgjegjësitë tona para shqiptarëve. Duhet të bazojmë qëllimin tonë në parime të drejta. Të luftosh se Edi Rama po lufton korrupsionin pse mbush një sallë do të thotë të tallesh me shqiptarët. Në çdo licencë dhe leje ka vetëm vjedhje. Shefi i kadastrave thoshte që janë djegur regjistrat. Lidhur me protestat mendoj se duhet të jenë shumë të forta, por ky problem duhet të jetë çështje e debatit të përbashkët. Një front kundër kësaj qeverie dhe këtij regjimi është jetik.

Do e quajmë front për shpëtimin e Shqipërisë apo me një emër tjetër do e shohim, por ne do të duhet të funksionojmë si fron. Më 7 korrik është menduar të jetë data e protestës së madhe në Tiranë. Kjo është betejë e jashtëzakonshme dhe e rëndësishme. Kjo betejë duhet të shtrihet në mbarë vendin. Nuk ka asgjë të shkoni në Peshkopi”, theksoi ish-kryeministri./ B.A. - CNA.al

Lajmet e fundit nga