LEXO PA REKLAMA!

SHKARKO APP

“Di raste”/ Berisha: Eksponentë të regjimit kalojnë nga një zyrë në tjetrën, blejnë prokurorë e gjykatës

22 Qershor 2022, 19:22, Politikë CNA
“Di raste”/ Berisha: Eksponentë të regjimit kalojnë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka bërë një deklaratë të fortë gjatë takimit me aktivistë të shoqërisë civile.

Berisha tha se di raste kur eksponentë të regjimit që qeveris kalojnë nga një zyrë në tjetrën dhe blejnë gjykatës, prokurorë, zyrtarë, opozitarë, jashtë çdo imagjinate.

"Ndaj këtij regjimi duhet një front se ky regjim është i pasur, para të pafundme. Secili prej jush di raste dhe unë di kur eksponentë të tij kalojnë nga një banesë në një tjetër, apo nga një zyrë në tjetrën duke blerë njerëz, duke blerë gjykatës, prokurorë, zyrtarë, opozitarë, jashtë çdo imagjinate.

Regjimi nuk respekton asnjë ligj, asnjë rregull dhe kjo është një e vërtetë e madhe. E tha bukur një avokat, është inkuizicion nga polici te prokurori dhe nga prokurori te gjykata e burgu. Shanset e pafajësisë në sistemin e këtij narkoshteti janë drejt zeros pothuajse, 0.8%, nuk ka rëndësi nëse ke kryer apo jo vepër penale, rëndësi ka të të ndalojë policia", theksoi ish-kryeministri./ B.A. – CNA.al

Lajmet e fundit nga