web counter
LEXO PA REKLAMA!

SHKARKO APP

App Store
Google Play

Foto-Shkolla, në gjendje skandaloze/ Si po rrezikohet jeta e nxënësve dhe mësuesve

22 Qershor 2022, 13:45, Politikë CNA

 

Foto-Shkolla, në gjendje skandaloze/ Si po rrezikohet jeta e
Shkolla "Llazar Dashi"

 

Deputeti i Partisë Demokratike, Luan Baçi, ka publikuar disa foto të shkollës "Llazar Dashi" në lagjen "Sheq i madh", e cila sipas tij është e dëmtuar dhe paraqet rrezik për jetën e fëmijëve dhe mësuesve.

“Në vëmendje të pushtetit lokal dhe atij qendror!

Prindër, nxënës dhe mësues të shkollës 'Llazar Dashi' në lagjen 'Sheq i madh' denoncojnë korrupsionin dhe papërgjegjshmërinë e bashkisë dhe Qeverisë dhe kërkojnë ndihmë për normalizim të situatës shumë të rrezikshme të krijuar në këtë shkollë!

Sheqi është një lagje në periferi të qytetit të Fierit.

Problematikat e kësaj lagjeje janë të medha, si dhe në gjithë bashkinë Fier, por ajo më emergjente është shkolla, pasi rrezikohet jeta e nxënësve dhe mësuesve që frekuentojnë këtë shkollë.

Shkolla e Sheqit 'Llazar Dashi' është në gjendje të frikshme dhe e dëmtuar rëndë fizikisht, nxënësit mësojnë në kushte të vështira!

Në ambientet e shkollës gjatë gjithë vitit klasat kanë qenë pa xhama, shumë të ftohta dhe plot lagështi, tualete të rrënuara dhe shpeshherë gjatë dimrit nga shirat bllokohen dhe bëhet një erë e padurushme në ambientet e shkollës!

Shkolla është jashtë çdo funksioni, e pabanueshme dhe rrezikon jetën e mbi 100 fëmijëve dhe 16 mësuesve!

Tërmeti i 2019-ës ka theksuar edhe më shumë problemet fizike të shkollës ku një kolonë mbajtëse që lidhet edhe me katin e dytë është gati për t'u rrëzuar, në lëkundjen më të parë!

Gjatë punimeve për kërkimin e naftës në fshatrat afër Sheqishtë Mariz, por edhe nga ndonjë tërmet i mundshëm, jeta e fëmijëve dhe e personelit arsimor është e rrezikuar seriozisht!

Që prej shtatorit të 2021-shit, bashkia ka miratuar fondin për të zbatuar projektin, por edhe pse u mbyll një vit akademik, shkolla nuk ka nisur të ndërtohet!”-shkruan Luan Baçi.

Foto-Shkolla, në gjendje skandaloze/ Si po rrezikohet jeta e

Më tej, ai thekson se banorët e Sheqit kanë vite që gënjehen për ndërtimin e shkollës dhe ambienteve të kopshtit, ndërsa kjo situatë ka detyruar prindërit t’i çojnë fëmijët në shkolla të tjera, rreth 1-2 km më larg.

Po ashtu ai paralajmëron protesta, duke theksuar se do të jenë në mbështetje të qytetarëve.

“Ku janë premtimet e mbajtura në çdo fushatë ?

Ku janë fondet e akorduara për ndërtimin e shkollës?

Ku ka shkuar buxheti për ndërtimin e shkollës Sheq?

Përse banorët e Sheqit kanë vite që gënjehen për ndërtimin e shkollës dhe ambienteve të kopshtit?

E gjithë kjo situatë ka çuar në braktisje të nxënsësve duke frekuentuar mësimin në shkolla rreth 1-2 km me larg dhe më brenda qytetit, ku nxënësit për çdo ditë janë të detyruar të kalojnë në rrugën kryesore nacionale që është dhe burim aksidenti, dhe ku jeta e fëmijëve mosha e të cilëve fillon me 6-15 vjeç është çdo ditë në rrezik!

Denoncimi vjen nga prindër, nxënës dhe mësues të kësaj shkolle dhe paralajmërojnë protestë të pandalshme deri në realizimin e kërkesave të tyre!

Ne jemi në mbështetje të tyre dhe do të jemi bashkë me ta, në çdo iniciativë të tyre, për zgjidhjen e problemeve të shkaktuara, nga papërgjegjshmëria e bandës së hajdutëve në pushtet!

U bëj thirrje mësuesve të nderuar të kësaj shkolle dhe gjithë mësuesve në të gjitha shkollat e tjera, të ngrenë zërin, për problemet dhe shqetësimet që kanë, të mposhtin frikën dhe mos të pranojnë presionet e drejtuesve të tyre dhe të pushtetarëve të korruptuar!

Ne jemi në mbështetje të tyre, pa asnjë rezervë!”-përfundon postimin e tij, deputeti Baçi./CNA.al

 

Foto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta eFoto-Shkolla, në gjendje skandaloze/ Si po rrezikohet jeta e

 





Lajmet e fundit nga