LEXO PA REKLAMA!

SHKARKO APP

Bozdo ironizon Ramën/ ‘Qentë lehin, por karvani nuk po ecën përpara’

22 Qershor 2022, 10:10, Politikë CNA
Bozdo ironizon Ramën/ ‘Qentë lehin, por karvani nuk po ecën
Anëtari i Kryesisë së PD-së, Eno Bozdo

Anëtari i Kryesisë së PD-së, Eno Bozdo, në një deklaratë për mediat, ka komentuar raportin e Eurostat, duke thënë se sipas shifrave nga ky raport, Shqipëria është në bisht të Europës për sa u përket të ardhurave për frymë.

“Qeveria Rama vazhdon të thyejë rekorde në vend-numëro dhe mbrapa-ecje.

Eurostat, në një klasifikim të fundit, e rendit vendin tonë në bisht të Europës në të ardhurat për frymë për vitin 2021.

Që do të thotë se mesatarja e të ardhurave të një shqiptari është sa 32 për qind e një qytetari europian. Çka do të thotë: më shumë se tri herë më pak.

Shqipëria renditet më poshtë se të gjitha vendet e rajonit duke ndjekur madje edhe vende të pastabilizuara politikisht si Bosnje-Hercegovina.

Maqedonia është 10 pikë përqindje më lart se Shqipëria.

Serbia 12 pikë më lart.

Mali i Zi kryeson rajonin, duke shënuar thuajse gjysmën e të ardhurave për frymë të mesatares së BE-së.

Për të plotësuar “Kriteret e Kopenhagenit” të konvergjencës ekonomike, kusht për anëtarësim në Bashkimin Europian, Shqipërisë i duhet plot një shekull.

Edhe në konsumin individual për frymë, që tregon fuqinë blerëse të qytetarëve dhe mirëqenien e një vendi, Shqipëria është e fundit.

Jemi të parët vetëm në numrin e atyre që braktisin atdheun dhe në propagandën qeveritare”, deklaroi Bozdo.

Ndërkaq, ka ironizuar edhe deklaratat e kryeministrit Rama, duke thënë se qentë lehin, por karvani nuk bën përpara.

“Pra, siç shihet 'qentë lehin, por karvani NUK bën përpara'. Shifrat e Eurostat-it e bëjnë me dije fort mirë se kush janë qentë”, u shpreh Bozdo./ CNA.al

Lajmet e fundit nga