LEXO PA REKLAMA!

SHKARKO APP

App Store
Google Play

Përplasja me Kokalarin/ Këlliçi: U shqetësua nga rezultati im, e ftoj të paraqesë provat që pretendon në gjykatë

20 Qershor 2022, 20:12, Politikë CNA
Përplasja me Kokalarin/ Këlliçi: U shqetësua nga rezultati
Belind Këlliçi

Deputeti i Partisë Demokratike, Belind Këlliçi, ka folur për padinë që ka bërë ndaj Evi Kokalarit dhe akuzat që kjo e fundit ka ngritur ndaj tij.

Në një intervistë, Këlliçi tha se zgjodhi ta padiste Kokalarin dhe e ftoi atë që të depozitojë provat që pretendon se ka.

“Pres që zonja të vijë dhe të provojë një fakt të vetëm para gjykatës. Kjo nuk është çështje që zgjidhet në rrjetet sociale. Meqë disponon prova kaq të rënda të vijë në gjykatë. Meqë i kam dalë në shteg le të vijë te shtegu. Zonja Kokalari ka bërë zgjedhjen e saj. T'i shpëtojë edhe faktit që të mos akuzohet për moskallëzim krimi.

Nuk e kam idenë kë mbështet. Nuk dua t'i jap më asnjë sekondë vëmendje kësaj çështjeje. Kjo përplasje nuk shërben. Janë çështje tonat të brendshme. Për rastin në fjalë, meqë nuk ka pasur një kufi në të gjithë morinë e baltës, meqë unë kam kryer të gjitha këto krime, të dalë një individ i vetëm dhe ta provojë në gjykatë. Më absurde më duket që personat që flasin kundër lotimit të bëjnë një akt të paprecedentë në 32 vite, të lobojnë kundër një emri”, tha ai.

Këlliçi tha se Kokalarin mund ta ketë shqetësuar rezultati i tij i mirë në zgjedhjet e brendshme të PD-së. Sipas tij, kasa e vjetër politike nuk do qarkullim brezash dhe për këtë arsye thotë ai ka qenë avokat i të rinjve në këtë forcë politike.

“Unë dola kandidati më i votuar, mund të ketë shqetësuar dikë. Sigurisht që ka gëzuar të rinjtë. Këlliçi gjithçka në politikë sot e ka falë të rinjve. Unë kam ecur krah për krah me ata. Më vjen mirë që fuqizimi i të rinjve përbën shqetësim për një kasë të vjetër që nuk e kuptojnë nevojën jetike për qarkullim brezash. Kam qenë avokat i të rinjve”, u shpreh Këlliçi./CNA.al

Lajmet e fundit nga