LEXO PA REKLAMA!

SHKARKO APP

Berisha, reagim të fortë për hartën e re gjyqësore/ "Nuk i kursehet" Sokol Sadushit

20 Qershor 2022, 18:33, Politikë CNA
Berisha, reagim të fortë për hartën e re gjyqësore/
Ish-kryeministri, Sali Berisha

Ish-kryeministri Sali Berisha ka folur me tone të ashpra gjatë takimit me përfaqësues e specialistë të drejtësisë, lidhur me hartën e re gjyqësore.

Berisha tha se ajo është në kundërshtim flagrant me parimet kushtetuese, ligjin për organizimin e drejtësisë dhe Konventën Europiane për të Drejtat e Njeriut.

“Vjen në kundërshtim flagrant me parimin e afërsisë së kësaj të drejte dhe këtij shërbimi, i sanksioniuar nga ligji në shërbim të drejtësisë. Ku është qëllimi? Qëllimi është vetëm të përqëndrojë vendimin”, u shpreh ish-kryeministri.

Më tej, kreu i PD-së hodhi akuza të forta ndaj Sokol Sadushit, zv-kryetarit të Gjykatës së Lartë.

“Do t'ju lexoj vetëm një moment, çfarë ndodh sot në drejtësinë shqiptare?

Drejtësia shqiptare ka një satrap dhe ky satrap quhet Sokol Sadushi. Ju mund të thoni pse e quaj unë të tillë? Në Gjykatën e Lartë, asnjë çështje nuk del për shqyrtim pa vendosur Sadushi dhe këshilltari i tij.

Së dyti, të gjitha çështjet me shtetin, administrative, i shqyrton kolegji administrativ që kryesohet po nga Sadushi. Së treti, të gjitha çështjet e doganave, të tatimeve, të naftës, kanë krye të trupit gjykues po Sadushin e partisë.

Së katërti, 95% e çështjeve të Kolegjit Administrativ, të Kolegjit të Sadushit, bëhen në dhomë këshillimi, pa praninë e palëve dhe vetëm 5% bëhen me praninë e palëve. Ky është gjykimi më jo transparent që mund të ndodhë. Mbi 80% e të gjitha çështjeve palë që është biznesi me qeverinë i fiton shteti në Gjykatën e Lartë ku kryegjykatës është Sadushi”, theksoi Berisha./ B.A. – CNA.al

Lajmet e fundit nga