LEXO PA REKLAMA!

SHKARKO APP

E fundit!

x

Berisha, takim me profesionistë të drejtësisë/ Zbulohen tri temat e nxehta që do të diskutohen

20 Qershor 2022, 16:39, Politikë CNA
Berisha, takim me profesionistë të drejtësisë/ Zbulohen tri
Kryetari i PD-së, Sali Berisha

Partia Demokratike ka organizuar një takim lidhur me specialistë e profesionistë të drejtësisë, duke marrë shkas nga tri tema të nxehta që kanë shkaktuar debat në opinionin publik.

Zyra e PD-së bën me dije se në ‘menunë’ e Tryezës do të jenë harta e re gjyqësore, Ligji i Fiskalizimit dhe ndryshimet në Ligjin për Tatimet mbi të ardhurat.

Takimi do të zhvillohet në orën 18.00 dhe prezent do të jetë ish-kryeministri dhe kryetari i PD-së, Sali Berisha.

Gjithashtu në tryezë pritet të diskutojnë avokatë nga Dhomat e Avokatisë në Tiranë, Durrës, Elbasan dhe Korçë, Lorval Petani, Genc Gjokutaj, Ankelita Çela, Arben Lena, Kryetarja e Dhomës së Ndërmjetësuesve Drita Avdyli dhe Ylli Manjani Avokat, nga Dhoma e Avokatisë në Tiranë.

Organizatorja e tryezës, Kryetarja e Komisionit të Apelimit në PD, Adriana Kalaja, thekson se "Objekti i takimit janë diskutime dhe propozime nga profesionistë të fushës mbi sfidat në Sistemin e Drejtësisë si dhe ndikimi i hartës së re gjyqësore, ligji i fiskalizimit dhe ndryshimet e ligjit për Tatimin mbi Të Ardhurat në profesionet e lira.

Po kështu janë të mirëpritura gjitha idetë dhe propozimet për zgjidhjen e këtij ngërçi me pasoja direkte në gjithë sektorët jetikë të vendit"./ B.A. – CNA.al

Berisha, takim me profesionistë të drejtësisë/ Zbulohen tri

Lajmet e fundit nga