web counter
LEXO PA REKLAMA!

SHKARKO APP

App Store
Google Play

“Tirana sot, një Beograd i vogël”/ Berisha, me tone të ashpra: Vasale e Serbisë

21 Qershor 2022, 12:28, Politikë CNA
“Tirana sot, një Beograd i vogël”/ Berisha, me tone
Kreu i PD-së, Sali Berisha

Kryetari i PD-së, Sali Berisha, deklaroi në promovimin e librit “Mos harro kurrë” se Tirana sot është kthyer në një Beograd të vogël. “Eshtë situatë e njëjtë si në vitin 1944”, tha Berisha.  Ai u shpreh se jemi kthyer po aq vasalë ndaj Serbisë sa ishim në ’45.

“Ne mblidhemi sot me një ndjenjë turpi të madh. Tirana është sot në raport me atë çka është më antishqiptare, është një Beograd i vogël. Shumë nga ju keni lexuar histori. Tirana e sotme është Tirana e 1945-ës. Kurrë ndonjëherë atë që kanë bërë aradhat partizane shqiptare në Kosovë nuk do të mund ta bënin aradhat partizane serbo-malazeze pa veprën antikombëtare të shqiptarëve në Kosovë. Jugosllavia nuk ekzistonte, ekzistonte në letër. Ato gjurmë të njësive partizane të Kosovës nuk jetonin në Kosovë, por Kosova kishte një lëvizje nacionaliste.

Divizionet shqiptare shkuan aty dhe u pritën me flamurin e bashkimit kombëtar, ndërsa ata shkuan me flamurin e bashkimit të vllazërimit me serbët. Ajo kulmoi me një gjenocid të tmerrshëm, masakrën e Tivarit. U vranë me mijëra në Mal të Zi, por qindra syresh u vranë edhe nga Kukësi gjer në Shkodër, vetëm e vetëm se ishin nacionalistë shqiptarë.

Sot jemi në të njëjtën situatë. Beogradi qeveriset nga një udhëheqës doktrinar në gjenocid. Vuçiçi ka thënë në Parlament 'për një serb do të vrasim 100 muslimanë'. Tani në vend që Shqipëria të përdorë të gjithë forcën diplomatike të saj për ta dërguar në Hagë Vuçiçin, shndërrohet në avokat të tij në çdo takim, përfshi samitin e NATO-s.

Në qoftë se ka një gjë që duhet të ndajë njeriun e qytetëruar nga njeriu primitiv është qëndrimi ndaj gjenocidit. Çfarë ndryshimi ka udhëheqësi ynë në Tiranë me udhëheqësin e Beogradit? A nuk tha Ana Brnabic të njëjtat fjalë që tha Rama për masakrat në Kosovë? Në qoftë se në 1945 projekti ishte që Kosova është më e sigurt me Jugosllavinë, por edhe ne do të shkojmë drejt saj me Titon sekretar të parë, çfarë po ndodh tani?", tha Sali Berisha./ CNA.al





Lajmet e fundit nga