LEXO PA REKLAMA!

SHKARKO APP

App Store
Google Play

Refuzoi samitin e BE-së/ Këlliçi: Të thirret urgjentisht Rama në interpelancë

21 Qershor 2022, 19:50, Politikë CNA
Refuzoi samitin e BE-së/ Këlliçi: Të thirret urgjentisht
Deputeti dhe anëtari i Kryesisë së Partisë Demokratike, Belind Këlliçi

Deputeti dhe anëtari i Kryesisë së Partisë Demokratike, Belind Këlliçi, ka reaguar ashpër ndaj kryeministrit Edi Rama në lidhje me refuzimin që ky i fundit i ka bërë samitit të Brukselit.

Me anë të një statusi në rrjetet sociale, Këlliçi kërkon që Rama të thirret urgjentisht në interpelancë.

Ai ngre akuzat se kryeministri dhe qeveria shqiptare është vendosur e gjitha në shërbim të Presidentit të Serbisë, Aleksandër Vuçiç.

“Që kur Shqipëria paska unifikuar politikën e saj të jashtme me Republikën e Serbisë, aq sa bojkotojnë samitet e Bashkimit Europian?

Ç'është ky druzhe kryeministër që thotë nuk iki unë në Bruksel se s'kam ç'bëj atje?!

Të thirret urgjentisht në interpelancë!

Është kryeministër dhe përfaqëson Shqipërinë dhe jo veten, Open Balkan dhe Aleks Sorosin!

Qeveria e Shqipërisë është vendosur e gjitha në shërbim të shpëtimit të Presidentit Vuçiç nga kritikat e BE për mbështetjen e tij të pakursyer për Rusinë dhe Putin.

Rama është një i shitur kokë e këmbë.

Nuk ka përgjegjësi BE për korrupsionin shtetëror, as për promovimin e kriminelëve në detyra të larta. Nuk ka faj BE se Rama bën sehir duke parë si hanë kokat me shpërthime dhe ekzekutime mafioze. Nuk është fajtor BE për tenderat, koncensionet, PPP, inceneratorët e gjithfarë të zezash që Rama i bën Shqipërisë. Derën ia kanë mbyllur në fytyrë. Po u japin një mesazh shqiptarëve se me këtë kryeministër, nuk ka vend për Shqipërinë në BE.

Të reagojmë menjëherë!”, shkruan deputeti./ B.A. - CNA.al

Lajmet e fundit nga