LEXO PA REKLAMA!

SHKARKO APP

E fundit!

x

Evi Kokalari sulmon Belind Këlliçin për interesa të Erion Veliajt

22 Qershor 2022, 12:34, Politikë CNA
Evi Kokalari sulmon Belind Këlliçin për interesa të Erion
Erion Veliaj, Evi Kokalari

Duket qartazi se prej gati një muaji, Evi Kokalari, e lindur në Tiranë si Evis Kokalari apo e njohur dhe e pranuar publikisht prej saj me emrin Evi Angelakis, bie në sy që sulmon deputetin e Partisë Demokratike, Belind Këlliçi.

E quan “Basha 2”, manipulator, e të tjera si këto.

Ne si media na ka quajtur aleatë të Belindit, shan, fyen, akuzon këdo që i del përpara, sillet a thua se është pronarja e Partisë Demokratike. Nuk dua të dëgjoj për këtë, nuk dua të dëgjoj për atë. Të ikë ky, të vijë ai tjetri. Unë jam kjo, ky është ai. A thua se PD-ja ka pronare Evi Kokalarin.

Por, cili ka qenë qëllimi i saj?

Ne e kemi thënë nëpërmjet disa shkrimeve se duket tashmë qartazi se cilat janë qëllimet e zonjës në fjalë.

Një aktiviste që erdhi për gati nëntë muaj në Shqipëri, në krah të ish-kryeministrit Sali Berisha. Ka udhëtuar disa herë, ka ngrënë, ka pirë, ka shpenzuar dhe nuk ka deklaruar asnjë nga të ardhurat si lobiste, në Shtetet e Bashkuara të Amerikës. Sepse atje e dënon ligji. Gjithë aktivitetin e padeklaruar të Zonjës Kokalari këtu, përfshirë edhe faktin se ka qëndruar me një person "non-grata", të shpallur nga Departamenti i Shtetit.

Le të shohim më poshtë një tjetër argument pse Kokalari reagon në mënyrë të acaruar, ka qasje të ndryshme ndaj një çështjeje në një moment e pastaj ndryshon në një moment tjetër. Siç ka qenë mbështetja publike për CNA.al dhe në momentin që ne shkruanim kundër zgjedhjeve brenda PD-së, ajo reagonte ashpër ndaj nesh. Apo ndaj kujtdo që ka pasur bashkëpunëtor.

Rasti më flagrant është ndaj Belind Këlliçit.

Evi Kokalari sulmon Belind Këlliçin për interesa të Erion

Përpiqet të na bashkojë ne me Belindin me Bleona Qerretin, këta të gjithë bashkë me Geri Kokalarin. Fut dhe ca gazetarë të tjerë, shton Nova Median, i bie ndonjë tjetri këtu në Tiranë, kërkon informacion për ndonjë biznesmen, e kështu me radhë.  

Këtu nuk po flasim për dyer hotelesh që duhet vënë kartoni, dhe dritarja duhet lënë hapur për t’u ajrosur. Jo, aspak. Këtu po flasim për dyer të “shqyera”, nga “shqelmat” e Evi Kokalarit, në politikë, me një sjellje arrogante dhe prepotente, a thua se një nga sekretarët e partisë, të kohës së diktaturës, është gjallë.

Por, le të shohim pse Zonja, Evi Angelakis sulmon Belind Këlliçin?

Mjafton t’i hedhim një sy Komisionit Qendror të Zgjedhjeve dhe rezultateve të qershorit 2021. Personi më i votuar në kryeqytet rezulton të jetë zoti Lulzim Basha, ish-kreu i PD-së, me 16 mijë vota. Dhe kjo është normale. Kryetari i partisë, qoftë ky Luli apo kushdo tjetër, do të ishte personi më i votuar në Tiranë.

Personi i dytë pas tij, vjen zoti Agron Shehaj, me rreth 14 mijë vota dhe i treti është Belind Këlliçi me 11 mijë e 600 vota.

Evi Kokalari sulmon Belind Këlliçin për interesa të Erion

Pra, në një listë prej 36 emrash, vetëm këta persona kanë mundur ta thyejnë pragun e 10 mijë votave. Edhe partitë aleate, siç është zoti Idrizi apo zoti Mediu, etj, nuk kanë mundur të marrin aq vota.

Fakti duket se është i qartë. Belind Këlliçi është një nga njerëzit më të votuar të Partisë Demokratike. Mund të targetohej si një kandidat i mundshëm për Bashkinë e Tiranës.

Pra, personi i tretë më i votuar në kryeqytet, me një fushatë spektakolare në Kombinat, në një zonë krejtësisht që voton majtas apo me qasje të majtë, shikohej si një kandidaturë e mundshme për drejtimin e Bashkisë së Tiranës.

E në momentin që pëson ngritjen, del dikush dhe e sulmon. Dikush që bashkëpunon për të shpërndarë ndihma me Erion Veliajn. Dikush që me përplasje brenda PD-së, shërbimin final ia bën Erion Veliajt.

Kjo nuk ka më asnjë diskutim. Nuk ka më asnjë dyshim. E gjitha duket e qartë. Evi Kokalari sulmon Belind Këlliçin për interesa të Erion Veliajt. E në rast se do të bënim një sondazh sot, se kë do të preferonin qytetarët si kandidat për Tiranën, Këlliçi do të ishte në krye të saj.

Evi Kokalari sulmon Belind Këlliçin për interesa të Erion

A mund të ishte pas zonja Tabaku apo dikush tjetër? Kjo nuk ka asnjë rëndësi. Por, do të ishte “on top”, për të garuar me Veliajn.

Konseguent në sulmet ndaj kryebashkiakut, konseguent në sulmet ndaj Ramës, konseguent për bashkimin e PD-së dhe qasjen ndaj “Foltores”. Dhe sulmohet barbarisht, turpësisht nga Evi Angelakis, e cila tri herë erdhi dhe iku nga Shqipëria, thjeshtë dhe vetëm duke thënë se e thërrisnin avokatët dhe se i kishin tërhequr veshin në Amerikë.

Kështu tha në janar, kështu tha tani, kështu tha dhe më përpara. Por, gjithsesi tani jemi përballë faktit. Evi Kokalari po sulmon Këlliçin, për interesa të Erion Veliajt. Kjo jo me rregull treshi. Por, me fakte. Njeriu më i votuar nga demokratët dhe nga qytetarët e Tiranës, i cili mund të ishte një potencial i fortë përballë kryebashkiakut po sulmohet egërsisht nga Evi Kokalari, sepse kjo mendon që ky është një “Luli 2”. Dhe në fakt në PD duhen disa njerëz të sulmueshëm, të luftueshëm, për t’u hequr kollaj, sepse kështu mendon Evi Kokalari.

Tani mund të ngrihen disa pyetje:

Pse po e sulmon Këlliçin, për interesa të Veliajt?

Çfarë e lidh Kokalarin me Erion Veliajn?

A ka plane për bashkëpunime të mëtejshme biznesi?

Ne i kemi bërë shumë pyetje. Ajo nuk është përgjigjur.

Ne vazhdojmë t’i kërkojmë zonjës publikisht përgjigje.

A po sulmon njerëz për llogari të Veliajt?/CNA.al

 

Lajmet e fundit nga