LEXO PA REKLAMA!

SHKARKO APP

“Konservatorja” e përkëdhelur nga komunizmi/ Pyetjet që kërkojnë përgjigje nga Evi Kokalari

10 Qershor 2022, 12:59, Politikë CNA

 

“Konservatorja” e përkëdhelur nga komunizmi/ Pyetjet
Evi Kokalari

Aktivistja Evi Kokalari, e cila jeton në SHBA dhe thotë se është një nënshtetase amerikane, erdhi në Shqipëri në kohën që ish-Kryeministri Sali Berisha kishte nisur “Foltoren” e tij me demokratët.

Kokalari u vetëtrumbetua fort në media, si një republikane, si konservatore e madhe, si një “zë” i ish-presidentit të SHBA-së, Donald Trump, e të tjera si këto.

Ndoshta e mbetur pa punë në SHBA, kërkoi edhe të merrte ndonjë post drejtues në PD, por kjo nuk ka rëndësi. Sepse për këtë duhet të votohesh nga demokratët.

Por, nga ana tjetër ajo që bëri bujë në media, ishin deklaratat e Evi Kokalarit, e cila jo pak herë është shprehur publikisht se kur Donald Trump të rizgjidhet Presidenti i SHBA-së, Sali Berishës, do t’i hiqet "non grata".

Sikurse shikohet edhe në videon më poshtë, kjo është deklaruar vetë publikisht nga Evi Kokalari.

Por, pas këtyre deklaratave të Evi Kokalarit, kjo e fundit duhet t’u përgjigjet disa pyetjeve.

Së pari, kush e ka autorizuar të flasë në emër të republikanëve amerikanë?

A e ka njoftuar Departamentin Amerikan të Shtetit, për qëndrime të tilla?

Pasi të flasësh në emër të shtetit amerikan, ka përgjegjësi. Nuk është një estradë politike.  

Në emër të kujt flet Evi Kokalari, dhe a i ka njoftuar institucionet?

A është ky lobim?

A është paguar dhe a e ka deklaruar?

Këto janë disa pyetje shtesë që CNA.al i drejton “konservatores” Evi Kokalari, ndërkohë që ende nuk u është përgjigjur edhe pyetjeve të tjera që i janë drejtuar.

Por, ne do ta ndjekim deri në fund këtë çështje, për të treguar se kush është zonja e njohur si Evi Kokalari apo “Evis”.

Zonja e cila vjen nga një familje e përkedhelur nga sistemi komunist, por që tashmë pretendon se do ta bëjë PD-në konservatore, të sqarojë pyetjet, e ne do ia japim dhe thelbin e konservatorizmit.  Që nuk ka lidhje as me “shëtitjet” me njerëz me ngjyrë në rrugën e Durrësit, as me udhëtime sa në Francë apo në Rusi, dhe as me bëma e qyfyre të tjera.

Po presim që zonja t'u përgjigjet këtyre pyetjeve.  

Në emër të kujt flet dhe a i ka njoftuar institucionet për qëndrimet e saj?

A është paguar apo jo?

Sepse rasti me Berishën, nuk është i vetmi. Vetë ajo publikisht e ka pranuar se ka lobuar për Këshillin Kombëtar të PD-së, për të cilin CNA.al do të sjellë një tjetër dokument.

“Konservatorja” e përkëdhelur nga komunizmi/ Pyetjet

Nëse Evi Kokalari është vërtetë “konservatore”, sikurse pretendon, si fillim le t’u përgjigjet këtyre pyetjeve./CNA.al

 

Lajmet e fundit nga