Fundo- Kokalari/ Thellohen akuzat për strukturat e PD

1 Qershor 2022, 17:08, Aktualitet CNA

Fundo- Kokalari/ Thellohen akuzat për strukturat e PD

Evi Kokalari dhe Elvi Fundo

Thellohen akuzat mes gazetarit Elvi Fundo dhe aktivistes Evi Kokalari për strukturat e Partisë Demokratike.

CNA.al ka raportuar se Evi Kokalari donte të merrte postin e nënkryetares së PD. Sali Berisha pasi e njohu nga afër, duket se nuk i ofroi më asgjë dhe demokratët e njohën çfarë ishte dhe çfarë kapacitetesh mund të sillte.

Sipas informacioneve që disponon CNA.al, Kokalari gjatë kohëve të fundit ka pasur probleme me drejtuesit republikanë, të cilët pritet që të mbajnë një qëndrim kundër saj ditët në vijim.

Aktivistja Kokalari, në një postim në rrjetin social Facebook shkruan se raportimet e CNA.al, janë të porositura, ndërsa thekson se, kjo është kthyer në një luftë personale.

“Sulmet e CNAs me direktiv të Belind Këlliçit janë shumë të shëmtuara. Elvi Fundo & shok bën namin kur numerimi i votate në Korçe u bën me dyer të mbyllur dhe unë i mbështeta. Tashti që ngre debatin mbi manipulim të Belind Këlliçit, më luftojne me shpifje.

Pse? Çfarë interesi ka Elvi Fundo ta fundos këtë debat? Mbrojtja e votes duhet bërë njesoj kudo.

Duket qartë që CNA dhe ata që e financojnë nuk kanë lidhje me konservatorizmin apo me mbrojtjen e votës. E kanë kthyer në luftë personale dhe personalisht nuk kam ndermend te terhiqem, madje do ta shtoj vrullin derisa ta kuptoni të gjithë kush po e shkat?rron atë që nisëm në Shtator.

Fatkeqësi që shumë nga ne i besuan Belindit. Ai nuk është gjë tjetër veç Lul Basha e vitit 2010, që hiqej si djali i përkryer për Kryetar i Partisë”, shkruan Kokalari.

Per këto akuza të Kokalarit, nuk ka munguar edhe reagimi "dhëmbë për dhëmbë", i gazetarit Elvi Fundo, i cili i ka drejtuar asaj edhe disa pyetje publike. Ai i kërkon informacion se kush e telefonoi Kokalarin nga SHBA dhe nëse kishte lidhje me Flamur Nokën apo jo.

Ai gjithashtu i kërkon një përgjigje se kush është biznesmeni që e ka paguar atë miqësisht.

“Disa pyetje publike Evit:

Pse e sulmove një nga biznesmenët më të mëdhenj në Shqipëri e më pas heshte?

A tentove t’i vije gjobë dhe dështove? Kush të telefonoi nga SHBA? A lidhet ai me Flamur Nokën? A tradhtoi Muli dhe Luli demokratët e Kukësit për këtë biznesmen? A të ka paguar miqësisht?

Këto janë disa pyetjet e para publike.

Pres përgjigje edhe për garën në PD, bujrum të kandidojmë për çdo post të duash bashkë me ata pseudokonservatorët e tu. Në fakt mesa shoh as ti s’je konservatore, por e papunë në SHBA që do të bësh biznes në Shqipëri.

Të tjerat me Belindrat e Mulrat kanë kohë, se në fakt dhe për ato ke fol me vonesë. Unë s’kam denoncuar vetëm Korçën, por edhe Kuvendin e Këshillin, që ti i përshëndete, tani po e faturon aty ku s’të vjen mirë.

CILI ËSHTË BIZNESI QË TI PO BËN ME PARTINË DEMOKRATIKE?”, shkruan Fundo./E.K-CNA.al