web counter
LEXO PA REKLAMA!

SHKARKO APP

App Store
Google Play

E fundit!

x

“S’mund të kalohet nga cilësia në sasi”/ Dash Shehi ultimatum Kushit: Të rishikohet me urgjencë reforma në arsim

1 Qershor 2022, 16:45, Aktualitet CNA
“S’mund të kalohet nga cilësia në sasi”/ Dash
Dashamir Shehi

Kreu i LZHK Dashamir Shehi ka reaguar me tone të forta pas vendimit për uljen e mesatarës për pranimin e studentëve në degën e mësuesisë.

Shehi shkruan se duhet rishikuar me urgjencë dhe përmirësuar reforma arsimore, në mënyrë që të ofrojë cilësi dhe efikasitet.

Largimi i trurit është tragjedia më e madhe që mund t’i ndodhë një kombi, shton ai.

“Fatkeqësia qendron se të rinjtë sot, e kanë më të thjeshtë të zhvillojnë jetën e tyre jashtë shtetit se sa në Shqipëri.

Në fillim të viteve 90-të, kur u shemb regjimi diktatorial, Shqipëria krenohej sepse ishte një vend me popullsi të re, të aftë për t’u rikualifikuar për tregun e punës. Sot, kemi arritur moshën mesatare të popullatës së vendeve Evropiane por jo zhvillimin e atyre vendeve!

S’mund të kalohet nga cilësia në sasi, përndryshe, çfarë mbetet për të ardhmen?! Sot kërkohet me urgjencë hartimi i politikave të reja integruese në mënyrë që të rinjtë të kontribuojnë në vendin e tyre dhe që Shqipëria të zhvillohet si një vend normal Evropian.

Largimi i trurit është tragjedia më e madhe që mund t’i ndodhë një kombi. Me urgjencë duhet rishikuar dhe përmirësuar reforma arsimore, në mënyrë që të ofrojë cilësi dhe efikasitet. Të bëjmë një të mirë që rinisë ti jepet një mundësi zhvillimi dhe që Shqipëria, të ketë një të ardhme.”/E.T-CNA.al

 





Lajmet e fundit nga