web counter
LEXO PA REKLAMA!

SHKARKO APP

App Store
Google Play

E fundit!

x

“Kumbaro refuzon të përgjigjet për Butrintin”/ Forumi për Mbrojtjen e Trashëgimisë i drejtohet Ramës

1 Qershor 2022, 12:30, Aktualitet CNA
“Kumbaro refuzon të përgjigjet për Butrintin”/ Forumi
Ministrja Mirela Kumbaro dhe kryeministri Edi Rama

Forumi për Mbrojtjen e Trashëgimisë Kulturore ka reaguar pas deklaratave të fundit të ministres së Turizmit Mirela Kumbaro, rreth çështjes së Parkut Kombëtar të Butrintit.

Në një reagim në rrjetet sociale, Forumi thekson se mund të konfirmojë që në zonën e mbrojtur është një ndërtim në shkelje flagrante.

Ata kërkojnë nga kryeministri Edi Rama që të japë një përgjigje rreth kësaj çështjeje.

Letra, drejtuar Ramës:

I nderuar z. Kryeminister.

Meqënëse ministrja e Turizmit, znj.Kumbaro vazhdon të refuzojë të japë shpjegime për publikun se perse në zonën e mbrojtur të Parkut Kombëtar të Butrintit është lejuar një ndërtim i tillë do të donim ndihmën Tuaj për të na shpjeguar këtë shkelje flagrante të ligjit për zonat e mbrojtura. Mund t’ju konfirmojmë me përgjegjësi se ky ndërtim është kryer brenda zonës së mbrojtur të pasurisë botërore të UNESCO. Është kryer brenda zonës ku ju vetë keni ndihmuar për ta shpallur zonë të mbrojtur kur ishit ministër i Kulturës. Mund t’ju themi se ky ndërtim që ka prishur vijën bregdetare shkëmbore dhe ka prishur pejsazhin historik dhe pyllin unikal mesdhetar te “Makia Mediterranean”.

Ky ndërtim është lejuar nga Ministria e Turizmit për një nga oligarkët tuaj. Ky ndërtim është kryer nën vëzhgimin e 6 institucioneve të administratës tuaj: Ministria e Turizmit, Ministria e Kulturës, agjencia e zonave të mbrojtura, bashkia Sarandë, Administrata e Parkut Kombëtar të Butrintit, Agjencia e Bregdetit.

Nga podiumi i parlamentit ju premtuat se kjo zonë do të mbrohet dhe nuk do të ketë ndërtime. Në emër të opinionit publik kërkojmë shpjegimin tuaj nëse ky ndërtim është brenda zonës së mbrojtur të Pasurisë Botërore të UNESCO Butrint?

Adresa: Ngjitur me Pemën e Thatë, poshtë ish repartit ushtarak ku janë vendosur antenat në brendësi të Parkut Kombëtar të Butrintit./CNA.al





Lajmet e fundit nga