web counter
LEXO PA REKLAMA!

SHKARKO APP

App Store
Google Play

E fundit!

x

Heqja nga tregu e qeseve plastike/ Inxhinieri për menaxhimin e mbetjeve: Lajm i mirë për mjedisin

31 Maj 2022, 19:46, Aktualitet CNA
Heqja nga tregu e qeseve plastike/ Inxhinieri për menaxhimin e mbetjeve:
Foto ilustruese

Inxhinier Edlir Vokopola, ekspert për menaxhimin e mbetjeve, ka komentuar vendimin e qeverisë, i cili hyn në fuqi më datë 1 qershor, për moslejimin në treg të qeseve plastike.

Ai tha se jo të gjitha qeset plastike do të tërhiqen nga qarkullimi, pasi do të vijojnë të përdoren qeset e trasha dhe që janë shumëpërdorimshe.

Ai theksoi se heqja e qeseve plastike nga qarkullimi është një lajm i mirë për mjedisin.

“Në fakt nuk hiqen të gjitha qeset plastike. Hiqen qeset plastike të holla dhe të vogla, dhe lejohen të përdoren qeset më të trasha. Pra, do të mbahen në përdorim ato qese që janë më shumë se një përdorim.

Ka një diferencë pasi këto qese që do të mbeten në përdorim, janë qese të cilat mund të përdoren më shumë sesa një herë për shkak të trashësisë, janë qese që mund të përdoren më shumë sesa për një qëllim. Kjo i bën ato më praktike.

Qeset jane një prej ndotësve të ambientit sepse ka një përdorim shumë të madh dhe për rrjedhojë kontrolli mbi to është i vështirë. Njerëzit e kanë të vështirë që t’i grumbullojnë në mënyrë të ndarë. Duke qenë më parë të të holla është e vështirë për t'u ricikluar. Prandaj këto qese do të zëvendësohen me qese më të mëdha.

Ndalohen të paktën 3 lloje qesesh, të vogla dhe të lehta, dhe disa qese plastike që përmbajnë disa lloj aditivësh. Pra, shpërbërja e plastikës nuk është e mundur. Kjo i bën këto qese që duke u hedhur në mjedis në mënyrë të pakontrolluar me këto cilësi që i bën ato të padegradueshme, janë ndotëse të mjedisit. Në mënyrë të veçantë ato merren nga rrjedha ujore dhe çohen në pellgje më të mëdha ujore. Tashmë jemi para një fakti që është bërë me ligj që e bën përdorimin e këtyre qeseve një ndalesë. Për ne nuk do të jetë aq e lehtë të mësohemi me përdorimin e qeseve të tjera, apo të kthehemi tek ato me copa. Do të na duhet më shumë kohë. Brenda njëfarë kohe të caktuar do të presim një rezultat që të jetë i dukshëm”, tha ai./E.T-CNA.al





Lajmet e fundit nga