web counter
LEXO PA REKLAMA!

SHKARKO APP

App Store
Google Play

Zgjedhjet për Kryesinë e PD-së/ Kokalari akuza Këlliçit: Ka orientuar votat

31 Maj 2022, 16:22, Politikë CNA
Zgjedhjet për Kryesinë e PD-së/ Kokalari akuza
Aktivistja Evi Kokalari

Aktivistja Evi Kokalari ka reaguar ashpër ndaj anëtarëve të Kryesisë së Partisë Demokratike Belind Këlliçi dhe Fatbardha Kadiu.

Me anë të një statusi në rrjetet sociale, ajo akuzon Këlliçin se ka përdorur anëtarë të Këshillit dhe anëtarë të Forumit Rinor të lobojnë për të dhe për Fatbardha Kadiun në 22 Maj.

Kokalari deklaron se nëse manipulohen zgjedhjet e së premtes për Sekretarin e Përgjithshëm dhe nënkryetarët e PD, do të flasë me emra, mbiemra dhe fakte.

“Nuk dua të dëgjoj më që Belind Kelliçi dhe Fatbardha Kadiu kanë qënë më të votuarit në Kryesi. Dhe hipokrizinë e Belindit kur thotë se është i prekur nga kjo dashamirësi në votim, kur e di fare mirë si e arriti, bën mirë ta përdorë për ata që e rrethojnë dhe jo për njerëzit me IQ të konsiderueshme.

Turp ti vi Belindit dhe shokëve të tij të ngushtë që nxorrën anëtarë të Këshillit dhe anëtarë të Forumit Rinor të lobojnë për të dhe për Fatbardha Kadiun në 22 Maj.

Nuk është aspak etike që një anëtar i Këshillit të lobojë për miqtë e tij kundër anëtarëve të tjerë.

Ky quhet orientim vote dhe është një lloj manipulimi i vullnetit të lirë. Ky akt duhet të ndërshkohet nga Komisioni i etikës nëse PD do këtë një.

Turp edhe për ata që nisën një listë lobimi për Kryesi në mëngjesin e 22 Majit, duke lënë jashtë deputetë dhe njerëz që vërtet i janë gjëndur Sali Berishës pranë që ditën e parë dhe që doktori i kishte dhënë një shans të barabartë për Kryesi, ashtu siç dhe e meritonin.

Ju jeni po aq të shantazhueshëm sa ishit me Lulzim Bashën, dhe helbete ju jeni të fundit që ju bashkuat karvanit të Berishës.

Ja, ky është karakteri, integriteti dhe hipokrizia juaj.

Kam katër javë që bëj luftë pikërisht për të mbrojtur votën e 22 Majit dhe të 3 Qershorit, dhe nuk do t’ju lë ti merrni votë individëve si Oerd Bylykbashi, Agron Shehaj dhe disa të tjerëve nëse ata kandidojnë këtë të Premte. Këta e kanë treguar integritetin dhe kapacitetin e tyre dhe kanë aq dinjitet që mos ngelen krijesa të lobimeve.

Jam gati të flas në detaje nëse kandidaturat dhe votat e të Premtes manipulohen/orientohen.

Do flas me emra, mbiemra dhe fakte!!”, shkruan aktivistja./ B.A. - CNA.al

Zgjedhjet për Kryesinë e PD-së/ Kokalari akuza





Lajmet e fundit nga