web counter
LEXO PA REKLAMA!

SHKARKO APP

App Store
Google Play

“Presidenti i ri do të mbështetet edhe nga Opozita”/ Lesi parashikon "surprizën" e Ramës

31 Maj 2022, 14:26, Politikë CNA

“Presidenti i ri do të mbështetet edhe nga Opozita”/ Lesi

Gazetari Nikoll Lesi ka komentuar procesin për zgjedhjen e Presidentit të ri.

Në një shkrim në gazetën e tij, Lesi shkruan se kryeministri Edi Rama e ka gjetur emrin e Presidentit të ri, që sipas tij do të marrë edhe një mbështetje të gjerë nga opozita. 

Ai shkruan se Rama do të surprizojë edhe kritikët brenda radhëve të socialistëve. 

“Pas djegies së raundit të tretë, ku opozitës iu la të gjente një emër, vjen radha e PS-së.

PD e ndarë tashmë si “kashtë e koqe”, nuk është solidare që ta detyronte Edi Ramën të ulej në tryezë për një emër të propozuar nga opozita.

Tani vjen radha e kryeministrit. Dje deputeti i PS-së, Erion Braçe, paralajmëroi se nuk do të votonte një emër të dalë nga kryeministria, nëse nuk ka vlera dhe përbashkues. Edhe disa deputetë të tjerë të PS-së filluan të grupohen rreth idesë së Braçes, më shumë për t’i treguar dhëmbët Ramës.

Por përballë “dhëmbëve të prishur” të këtyre deputetëve socialistë, kryeministri ka vendosur për emër surprizë përbashkues, ku më së paku do të jenë më shumë se 84 deputetë të cilët do ta votojnë. Pra, edhe nga opozita do të jenë që do ta hedhin votën për emrin e ri të Presidentit.” - shkruan Lesi./CNA.al





Lajmet e fundit nga