LEXO PA REKLAMA!

SHKARKO APP

Pjesëmarrja në Samitin e BE-së/ Berisha: Qëndrimet e Ramës, në interesa të Vuçiçit

22 Qershor 2022, 18:36, Politikë CNA
Pjesëmarrja në Samitin e BE-së/ Berisha: Qëndrimet e
Ish-kryeministri dhe kryetari i Partisë Demokratike, Sali Berisha

Ish-kryeministri dhe kryetari i Partisë Demokratike, Sali Berisha, ka hedhur sërish akuza ndaj kryeministrit Edi Rama, pasi ky i fundit dje rrëzoi ftesën në samitin e BE-së, ndërsa sot konfirmoi pjesëmarrjen.

Berisha pretendon se veprimet e Ramës lidhen me interesat e presidentit të Serbisë, Aleksandër Vuçiç.

Sipas tij, kreu i qeverisë po luan me fatin e shqiptarëve më shumë se kurrë më parë.

Për interesa të Aleksandër Vuçiçit, duhet të merrej dje vendimi për të mos shkuar në Bruksel dhe duhet të merrej sot vendimi të shkohej për të përfaqësuar 'Ballkanin e Hapur'. Nuk është luajtur ndonjëherë më shumë me fatin e shqiptarëve se në këtë periudhë, mbasi ne sot, interesi ynë jetik kombëtar është integrimi në BE.

Mora këtë aspekt, por në çdo aspekt tjetër, ka një konfiskim të ligjeve, institucioneve, të të drejtave në këtë vend, si në asnjë vend tjetër. Çfarë ndodh sot?

Shqiptarët po përballen me rritjen më të madhe të çmimeve që nga viti 1992. Po të dëgjoni nesër Parlamentin dhe propagandën, ata nuk kanë asnjë lloj dhimbjeje nga kjo gjendje ekonomike”, theksoi ish-kryeministri./ B.A. – CNA.al

Lajmet e fundit nga