LEXO PA REKLAMA!

SHKARKO APP

PD kërkon heqjen e mandatit për Olta Xhaçkën/ Zbardhet data kur do të mblidhet Këshilli për Rregulloren dhe Imunitetin

22 Qershor 2022, 18:16, Politikë CNA
PD kërkon heqjen e mandatit për Olta Xhaçkën/ Zbardhet
Ministrja e Jashtme Olta Xhaçka

Këshilli për Rregulloren dhe Imunitetin do të mblidhet këtë të premte, në datë 24 qershor, për të diskutuar kërkesën e grupit parlamentar të PD-së për heqjen e imunitetit të Olta Xhaçkës.

Shkak për këtë kërkesë është bërë përfshirja e bashkëshortit të saj, ish-deputetit të PS, Artan Gaçi, në një projekt në bregdet si investitor strategjik.

PD akuzon se ministrja Xhaçka është në konflikt interesi sa i takon një vendimi të Këshillit të Ministrave.

Opozita pretendon se bashkëshorti i saj qëndron pas një kompanie që do të ndërtojë resort turistik në bregdetin e Himarës në cilësinë e investitorit strategjik.

Përfshirjen në politikë, Olta Xhaçka e nisi në vitin 2009 si deputete e Partisë Socialiste në qarkun e Korçës.

Në mars të 2017-ës, asaj iu besua drejtimi i Ministrisë së Mirëqenies Sociale dhe Rinisë, post të cilin e mbajti vetëm 5 muaj.

Po në të njëjtin vit mori drejtimin e një tjetër ministrie, atë të Mbrojtjes duke zëvendësuar Mimi Kodhelin. Detyrën në krye të Mbrojtjes, Xhaçka e mbajti deri në janar të këtij viti.

Në fillim të vitit 2021, Xhaçkës iu besua një tjetër post ministror, ai i Ministrisë së Jashtme, ku zëvendësoi Gent Cakajn./CNA.al

Lajmet e fundit nga