web counter
LEXO PA REKLAMA!

SHKARKO APP

App Store
Google Play

Çfarë e lidh Evi Kokalarin me Erion Veliajn dhe inceneratorët?

22 Qershor 2022, 16:55, Politikë CNA
Çfarë e lidh Evi Kokalarin me Erion Veliajn dhe inceneratorët?
Aktivistja Evi Kokalari

Aktivistja Evi Kokalari, e cila jeton në SHBA, por prej disa muajsh ka ardhur e ikur disa herë nga Shqipëria, e vetëshpallur “konservatore”, së fundi ka filluar një sulm të paprecedentë ndaj deputetit të Partisë Demokratike, Belind Këlliçi, por edhe ne si media.

Zonja në fjalë ka sulmuar CNA.al, duke na cilësuar si gjobaxhinj, apo duke na akuzuar për fyerje, shpifje e të tjera si këto.

Por, Kokalari duket se ka një qëndrim jo konseguent, pasi është vetë kjo Zonjë e cila më parë përshëndeste punën e CNA.al në denoncimin e një prej aferave më të akuzuara në Shqipëri, atë të inceneratorëve.

Dhe papritur, zonja Kokalari ndërron “krah” dhe fillon e sulmon CNA.al.

Pra, fare “rastësisht”, në kohën që CNA.al ka publikuar të tjera dokumente ekskluzive në lidhje me aferën e inceneratorëve, të cilat tregojnë sesi Shqipëria është përdorur si “trampolinë” për t’u shpërndarë më pas në shumë vende të tjera të botës, Evi Kokalari na sulmon ne si media.

Pse? Çfarë ka ndodhur?

Nga ana tjetër Evi Kokalari sulmon edhe deputetin Belind Këlliçi, i cili mund të ishte kandidati kryesor në zgjedhjet e ardhshme lokale përballë Erion Veliajt.

A është e rastësishme që Evi Kokalari sulmon CNA.al që është media kryesore në denoncimet kundër kryebashkiakut të Tiranës, Erion Veliajt dhe inceneratorëve?

Ndërkohë, edhe deputeti Këlliçi ka bërë një betejë të pandalshme me Erion Veliajn, kryebashkiakun në detyrë të Tiranës si dhe ka qenë konseguent në qëndrimet për inceneratorët.

Flasim këtu për betejën me inceneratorët, në Komisionin Hetimor, ku përplasja shumë orëshe e Këlliçit me Edi Ramën dhe jo pak mesazhe të forta se kush ishte kreu i FRPD-së dhe kush mund të ishte e ardhmja e tij.

Nga ana tjetër, përplasjet e Këlliçit me Erion Veliajn dhe Edi Ramën kanë qenë të pandalshme.

 

Dhe fakti është se sidomos pas performancës në Komisionin Hetimor të Inceneratorëve, Këlliçi u shikua si një kandidat i mundshëm për Bashkinë e Tiranës.

Dhe nga ana tjetër ne si media që jemi sulmuar, kemi të drejtën të dyshojmë se Zonja Kokalari, aktet ndaj nesh, i bën dhe për llogari të inceneratorëve. Pasi ne tashmë shohim një skemë të qartë, inceneratorët, Erion Veliaj dhe Evi Kokalari, që sulmon palët./ CNA.al

 

 

 





Lajmet e fundit nga