web counter
LEXO PA REKLAMA!

SHKARKO APP

App Store
Google Play

Krijohet “Rezistenca Qytetare për Shqipërinë”/ Firmosin 56 aktivistë

22 Qershor 2022, 20:47, Politikë CNA

Krijohet “Rezistenca Qytetare për Shqipërinë”/

Kreu i PD-së, Sali Berisha, ka mbledhur ditën e sotme në një tryezë aktivistët e shoqërisë civile, të cilët kanë konkluduar në krijimin e ‘Rezistencë Qytetare për Shqipërinë’.

Për krijimin e kësaj rezistence kanë firmosur 56 aktivistët e parë të cilët do të krijojnë edhe kalendarin e aktiviteteve që do të zhvillohen në kuadër të mbrojtjes së Shqipërisë, e cila është në rrezik nga qeveria e Edi Ramës.

Kjo rezistencë qytetare do të koordinojë veprimtarinë e saj me strukturat e Partisë Demokratike dhe të gjitha partive të tjera opozitare.

Rezistencë Qytetare për Shqipërinë:

Unë angazhohem se do të mbroj dhe do të punoj për vlerat e kombit si shqiptar!

Unë angazhohem se do të mbroj me forcë vlerat e demokracisë dhe të shtetit të së drejtës!

Unë angazhohem se do të punoj për afrimin e Shqipërisë me Bashkimin Europian dhe vlerat e Perëndimit!

Unë zotohem se do të përmbush çdo sfidë që vendi im të jetë vend i lirë, në të cilin sundon ligji dhe vlerat më të mira të qytetare!

Zotohem, si intelektual dhe aktivist, se do të krijoj një Rezistencë Qytetare në mbrojtje të vlerave të sipërpërmendura!/CNA.al





Lajmet e fundit nga