web counter
LEXO PA REKLAMA!

SHKARKO APP

App Store
Google Play

E fundit!

x

“Po ti te Berisha i thua këto gjëra”/ Ylli Manjani nuk përmbahet: Ku të flas?

23 Qershor 2022, 09:42, Politikë CNA
“Po ti te Berisha i thua këto gjëra”/ Ylli Manjani nuk
Ylli Manjani

Ish-ministri i Drejtësisë, Ylli Manjani, i cili ka marrë pjesë në takimet për drejtësinë organizuar nga PD-ja dhe kryetari i saj Sali Berisha, u është kundërpërgjigjur zërave që e kritikojnë përse del në krah të Berishës.

Me anë të një reagimi në rrjete sociale, Manjani shkruan se ka disa snobë, që nuk janë zëdhënës pushteti, që më thonë "po ti, te Berisha i thua këto gjëra"?

“Ndonjë tjetër më sugjeron se 'nuk më shkon mua të flas te Berisha se po i shërben'...

Zëdhënësit elektronikë të pushtetit i bien më shkurt 'ky është me Berishën'...

Për të gjitha këto kategori kam vetëm një pyetje:

Dakord që nuk u flitka te Berisha, po ku flitet këto kohë?!

Na thoni ku dhe do të shkoj t'i them edhe aty të njëjtat gjëra.

Në pushtet, siç e dini, nuk flitet se të mbyllin fjalën. Unë e provova të folurën aty”, shkruan Manjani.

Sipas tij, në opozitë nuk flitet me askund përveçse tek ato takime që bën Berisha.

Ndaj ai shtron pyetjen se ku tjetër do t'i thotë, përveçse në media që ka kohë që i thotë dhe me zë të lartë dhe thuajse i vetëm?!

“Në rrjet social po e po. Por debati publik nuk bëhet në rrjet social në mënyrën më asociale të mundshme. Rrjeti social vetëm social nuk është.

Ku tjetër? Ma thoni ju!

Sa për atë se i kujt jam, edhe ju vetë e dini se fjala ime del veç nga mendtë e mia, siç ka dalë gjithmonë. Vendin e të folurit nuk e kam zgjedhë kurrë. Ku kam marrë pjesë kam folur.

Berisha na thirri, te Berisha folëm. Kaq.

Konspiracionet nuk i bëjnë mirë shëndetit të askujt”, përfundon reagimin Manjani./CNA.al





Lajmet e fundit nga