“S’ke konceptet më elementare”/ Berisha kritikon Nikollën, kryeparlamentarja s’e lë të flasë

23 Qershor 2022, 11:24, Politikë CNA

“S’ke konceptet më elementare”/ Berisha kritikon

Ish-kryeministri dhe kryetari i Partisë Demokratike, Sali Berisha, ka folur me tone të ashpra ndaj kryetares së Parlamentit, Lindita Nikolla.

Teksa u ndal tek mosmiratimi i rezolutës për gjenocidin serb, Berisha tha se Nikolla po e drejton Parlamentin në mënyrë primitive.

Kjo deklaratë ka shkaktuar debat mes tyre në Kuvend. Nikolla i mbylli mikrofonin kreut të PD-së dhe i ndërpreu fjalën.

Pjesë nga debati:

Sali Berisha: E keni kthyer këtë Parlament në dyqanin tuaj. Për njohjen e genocidit në Kosovë nuk keni asnjë tagër.

Lindita Nikolla: E sqaruan më herët

Sali Berisha: Jo nuk është sqaruar asgjë. Nuk është sqaruar asgjë.

Lindita Nikolla: Nuk i kthehemi sepse ka rëndësi që nga një çështje të dalim të unifikuar.

Sali Berisha: Keni shkelur ligjin.

Nikolla: Nuk ka asnjë shkelje ligji, është konform rregullores. Respekt për vendimmarrjen e Konferencën së Kryetarëve.

Berisha: Ju shkruani rregulloren e Parlamenti, ju kryeni krim sepse shkelni ligjin e parlamentit. Ligji e përcakton qartë që rezoluta tre ditë nga data e dorëzimit shqyrtohet… Moj zonjë ti s’ke konceptet më elementare./ B.A. - CNA.al

Lajmet e fundit nga