Erion Braçes nuk i del inati me Ramën/ Ngre tonet në Kuvend, flet për "skifterët"

23 Qershor 2022, 13:13, Politikë CNA
Erion Braçes nuk i del inati me Ramën/ Ngre tonet në Kuvend,
Deputeti Erion Braçe

Deputetit socialist, Erion Braçe, duket se nuk i del inati me kryeministrin Edi Rama, pasi e largoi nga posti i zv.kryeministrit.

Kështu edhe në seancën e sotme, Braçe ka vijuar të luajë rolin e opozitarit, edhe pse në fakt partia në të cilën bën pjesë është në pushtet prej nëntë vitesh.

Gjatë fjalës së tij, Braçe tha se korrupsioni i administratës publike e deformon tregun dhe e shkatërron dhe ata që vuajnë janë bujqit.

“Korrupsioni i administratës publike e deformon tregun. Mes tyre ka të paaftë, dembelë, njerëz pa ambicie, pa vizion. Të korruptuar, nuk e kanë idenë se çfarë është interesi publik dhe priren vetëm nga interesi privat. E shohin shtetin si diçka që përfitohet më shumë përtej rrogës. Këtu e 30 vite kapitalizmi i ndërtuar edhe prej këtyre njerëzve po kthehet në kapitalizëm skifterësh. Ndaj kërkohet një strehë e qetë në administratën publike, pa diskutim që ligjet u janë nënshtruar reformave të thella. Por ka nevojë për ndërhyrje sërish. Javën që shkoi bërtita shumë saqë zgjova edhe njërin që fle kudo, fle edhe në arë… Por kështu do të vazhdojmë ne? Vazhdoj ta kërkoj me forcë që ne na duhet bursa, një instrument ku njerëzit janë të bindur dhe të mbrojtur. E përsëris, për 30 vite kemi ndërtuar një kapitalizëm skifterësh”, tha Braçe./CNA.al

Lajmet e fundit nga