LEXO PA REKLAMA!

SHKARKO APP

Shehaj i kërkon llogari për bashkëshortin/ Revoltohet Xhaçka: Turp! Pagove për mandatin e deputetit

23 Qershor 2022, 12:24, Politikë CNA
Shehaj i kërkon llogari për bashkëshortin/ Revoltohet
Deputeti Agron Shehaj dhe ministrja e Jashtme, Olta Xhaçka

Deputeti Agron Shehaj ka replikuar ashpër me ministren e Jashtme Olta Xhaçka, për shpalljen e bashkëshortit të saj investitor strategjik dhe për përfitimin e pronave në Dhërmi.

Shehaj tha se Kushtetuta ka një nen që ndalon futjen e duarve në pronat publike, ndërsa i kërkoi llogari se ku i gjetën paratë për ndërtimin e hotelit.

Pasi kanë qëndruar në pushtet për 8 vite bëhen me resorte. Ky është fakt, dokumenti është fakt, ju thoni janë broçkulla. Nëse është thjesht si thoni ju, Shqipëria është vend i korruptuar dhe Kushtetuta ka një nen që ndalon që ju të fusni duart në pronat publike. Nuk ju vjen turp, vini këtu me xhepa bosh dhe dilni me resorte me pesë yje. Ku i gjetët milionat, dil këtu dhe thuaj ku i gjetët milionat”, u shpreh deputeti i PD-së.

Ndërkohë, kjo deklaratë u pasua me një reagim të fortë nga ministrja socialiste, e cila i kërkoi Shehajt ta dërgojë çështjen në Gjykatën Kushtetuese.

“Zoti Shehaj nuk ka turp më të madh se të vish këtu, të hysh në Parlament duke paguar për mandatin e deputetit dhe ta blesh tekstin në politikë duke mashtruar. Ju ftoj ta çoni çështjen në Gjykatën Kushtetuese edhe do të merrni përgjigjen, por fillimisht ju ftoj të informoheni”, theksoi Xhaçka./ B.A. – CNA.al

Lajmet e fundit nga