LEXO PA REKLAMA!

SHKARKO APP

“Me çfarë letrash shkoi Rama në Bruksel!”/ Balliu: Tirana është kthyer në Beograd i vogël

23 Qershor 2022, 20:42, Politikë CNA
“Me çfarë letrash shkoi Rama në Bruksel!”/ Balliu:
Klevis Balliu

Ish-deputeti i PD-së, Klevis Balliu, ka komentuar zhvillimet e fundit nga Brukseli, ku Shqipëria mori një tjetër “jo” të prerë për hapjen e negociatave.

Ai tha se mosçelja e negociatave sot në samitin e BE-së ishte sepse kjo qeveri ka relacion të fortë me Beogradin dhe nuk është bërë asgjë në interes të qytetarëve shqiptarë.

Duke u ndalur dhe te protesta e paralajmëruar në datën 7 korrik, ai tha se pas riorganizimit të partisë një lëvizje e tillë është e domosdoshme sepse Shqipëria është në rrezik dhe problemet janë shtuar aq shumë saqë vendi po shpopullohet.


“Pas riorganizimit të partisë është aksion që duhet. Sot të gjitha forumet e PD do të dinë të organizojnë të gjithë qytetarët, duke u mbështetur në disa problematika të mëdha. Shpopullimi, largohen sepse nuk ka gjykata, rroga, pensione, asnjë investim te rinia dhe as nga të huajt.

Të gjitha këto probleme sollën shpopullimin që është krim kombëtar dhe nuk është i rastësishëm duke marrë parasysh linjën e kësaj qeverie me Beogradin. U bënë qindra takime me Vuçiçin dhe shumë pak me vëllezërit tanë, e kanë kthyer Tiranën në një Beograd të vogël dhe pastaj në mënyrë qesharake shkojnë atje dhe bëjnë presion për hapjen e negociatave në BE.

Nuk është çështje harte, por interesi. Me çfarë letrash shkon në Bruksel, çfarë kushtesh janë plotësuar kur janë kapur gjithë këto zyrtarë me drogë, korrupsioni është rritur në çdo celulë të shtetit shqiptar. E thonë raportet, Rama i di këto dhe cila është zgjedhja. Rrimë me Vuçiçin, Muçiçin, e populli shqiptar varfërohet e shpopullohet”, -tha Balliu./E.T-CNA.al

Lajmet e fundit nga