LEXO PA REKLAMA!

SHKARKO APP

Skema korruptive me inceneratorët/ Brisida Shehaj zbardh të tjera detaje

2 Gusht 2022, 13:47, Aktualitet CNA

Skema korruptive me inceneratorët/ Brisida Shehaj zbardh të tjera

Koordinatorja e Antikorrupsion e Partisë së Lirisë, Brisida Shehaj, në një konferencë për media ka folur për fakte të reja që lidhen me aferën e inceneratorëve.

Sipas saj janë zbuluar dokumente se si një punonjës i thjeshtë është kthyer në pronar.

Punonjësi, emrin e të cilit nuk e bëri me dije është bërë pronar, duke nënshkruar kontrata me biznesmenët e lidhur me inceneratorët, Klodian Zoto e Stela Gugallja.

“Bëhet fjalë për një punonjës që ka nisur karrierën e tij, E.B., i datëlindjes ‘93. Bëhet fjalë për 500 euro të dhëna borxh për këtë punonjës. Më pas jep tokën me qira dhe me pas e revokojnë. Integrated Energy B.V. e shet tokën te ky punonjës në një vlerë 135 milionë lekë. Më pas kemi një certifikatë që ai ka në Sharrë. Këto janë të gjitha në zonën ku është inceneratori. Bëhet fjalë për një kontratë që ka lidhur me kompaninë e Stela Gugalles. Në AZHBR ka fituar një fond për ndërtimin e një sere. Kemi një prokurë ku i jepet e drejta të administrojë të gjithë inceneratorin e Tiranë. Në 1 prill autorizon dy individë për të hapur një kompani në Mal të Zi. Dhe në fund kemi një kontratë me kompaninë e Klodian Zotos”, deklaroi Shehaj.

Shehaj paralajmëroi se dokumentet e siguruara do t’i dërgojnë në SPAK.

“Ne kemi edhe dokumente të tjera sidomos për pjesën e kompanive të hapura në Mal të Zi. SPAK të hapë regjistrin e noterëve dhe do të shohin jo vetëm këtë punonjës, por edhe të tjerë që kanë hapur kompani në Mal të Zi me prokura të posaçme të bëra në Shqipëri. Emrin nuk e bëjmë publik dhe do t’ia kalojmë SPAK-ut, ministres Balluku dhe kryeministrit Rama, që nuk di çfarë firmos”, tha ajo./CNA.al

Lajmet e fundit nga