LEXO PA REKLAMA!

SHKARKO APP

Inceneratorët/ Malltezi: Brenda 2 javësh janë vjedhur 15 milionë euro. SPAK çfarë po bën!?

5 Korrik 2022, 18:51, Aktualitet CNA
Inceneratorët/ Malltezi: Brenda 2 javësh janë vjedhur 15
Jamarbër Malltezi

Anëtari i Këshillit Kombëtar të PD-së, Jamarbër Malltezi, duke folur në ‘Task Forcë’, në lidhje me aferën milionere të inceneratorëve, është shprehur se bëhet fjalë për një shumë prej më shumë se 430 milionë eurosh.

Sipas tij, vetëm brenda 2 javësh janë vjedhur 15 milionë euro me kontratat për inceneratorin e Fierit.

"Kjo është një aferë shumë e rëndë, ku janë të përfshirë shumë elementë të politikës, përfshirë dhe Edi Ramën.

Këto materiale dhe denoncime kanë më shumë se 1 vit që bëhen në SPAK dhe asnjë gjë nuk është bërë, kjo është një kronikë e një vjedhjeje të paralajmëruar me të cilën SPAK-u vetëm lan duart. Ky është momenti i fundit, kur këta duan të pastrojnë paratë, duan të heqin paratë që kanë fituar.

Në inceneratorin e Fierit, një palë letra u përdorën 3 herë. Te Fieri kemi vetëm një copë letre që vërteton një vjedhje prej 15 milionë eurosh menjëherë. Brenda 2 javësh ka firmosur me shtetin për 30 milionë euro për ta dorëzuar me çelësa në dorë dhe dy javë më pas ka firmosur me italianin që t'ja mbarojë për 15 milionë euro.

15 mln eurot e tjera janë këto shefat që kanë futur paratë në xhep. Këtu SPAK-u nuk ka vepruar, edhe pse ka më shumë se 3 vjet që është bërë publike.

Ka thuajse 2 vjet që është bërë padia publikisht SPAK për grup kriminal, me në krye Ramën, Agaçin, e me radhë.

Janë 3 kontrata, njëra 22 milionë euro, tjetra 30, e tjetra 128 mln euro, janë mbi 180 milionë euro vetëm për ndërtimin dhe janë gati 250 milionë të tjera që do të hidhen për operimin. Pra, bëhet fjalë për një aferë 430 milionë eurosh", deklaroi Jamarbër Mallatezi./CNA.al

 

Lajmet e fundit nga