LEXO PA REKLAMA!

SHKARKO APP

Skandali me inceneratorët/ Kryemadhi publikon dosjet e dërguara në SPAK

6 Gusht 2022, 09:17, Politikë CNA
Skandali me inceneratorët/ Kryemadhi publikon dosjet e dërguara
Monika Kryemadhi

Monika Kryemadhi ka publikuar dosjet e dërguara në SPAK për aferën e inceneratorëve.

Në një postim në rrjetet sociale, ajo shkruan ndër të tjera se “paratë që mund të shkonin për rritje pagash dhe pensionesh, shkojnë për llogari të zyrtarëve të qeverisë, përmes skemës së inceneratorëve”.

Ndërsa shton se Shqipëria, nuk duhet të jetë kurbani i Ramës dhe Erion Veliaj.

Postimi i plotë: 

Çdo ditë që kalon, paratë që mund të shkonin për rritje pagash dhe pensionesh, shkojnë për llogari të zyrtarëve të qeverisë, përmes skemës së inceneratorëve. Çdo ditë që kalon pa veprimin e drejtësisë, shteti i kapur furnizon korrupsionin e inceneratorëve, me paratë e gjakut të shqiptarëve. E përmes kësaj vjedhje të përditshme, pushteti tenton të korruptojë, manipulojë e kontrollojë edhe çdo qelizë tjetër në vend, që të vijojë i pashqetësuar vjedhjen.

Këto në foto janë dosjet e dërguara në SPAK përpara disa javësh, ku faktohet me të dhëna nga dokumente zyrtare, se vetëm evazioni fiskal i skemës së inceneratorëve kap vlerën 30 milionë dollarë, ndërsa me skema të ngjashme si inceneratorët, llogaritet një evazion fiskal 189 milionë dollarë.

Ndërkohë, me fakte, shkresa dhe analizë profesionale, janë evidentuar më parë edhe të gjitha shkeljet proceduriale të zyrtarëve të inceneratorëve.

Shqipëria nuk mund të bëhet kurban për karrierat politike të Edi Ramës, Erion Veliajt dhe bashkëpunëtorëve të tyre në këtë çështje. Zbardhja e inceneratorëve duke mos mbyllur sytë ndaj fakteve, duke kryer hetime me integritet larg intimidimeve apo joshjeve, si dhe ndjekja e parasë së korrupsionit, është pikënisje e një drejtësie të vërtetë e të pavarur në Shqipëri./CNA.al

Skandali me inceneratorët/ Kryemadhi publikon dosjet e dërguara

 

Lajmet e fundit nga