LEXO PA REKLAMA!

SHKARKO APP

Inceneratorët/ LSI denoncon keqmenaxhimin e fondeve: Qeveria i shërben oligarkëve

12 Korrik 2022, 10:32, Politikë CNA
Inceneratorët/ LSI denoncon keqmenaxhimin e fondeve: Qeveria i shërben
Selia e LSI-së

Ish-deputeti i Lëvizjes Socialiste për Integrim, Endri Braimllari, ka reaguar për aferën e inceneratorëve.

Me anë të një statusi në rrjetet sociale, Braimllari ka denoncuar keqmenaxhimin e fondeve publike nëpërmjet kësaj afere.

Sipas tij, kjo tregon se qeveria nuk mbështet qytetarët, por një kastë të ngushtë oligakësh që i shërben regjimit dhe abuzojnë në emër të qytetarëve.

Ai deklaron se ky skandal, rritja e çmimeve dhe largimi i të rinjve, kanë rritur zemërimin dhe revoltën qytetare.

“Keqmenaxhimi i fondeve publike nëpërmjet aferës më të madhe korruptive në vend, atë të inceneratorëve, korrupsioni i lartë, rritja e çmimit të karburantit dhe të shportës, falimentimi i fermerit vendas dhe largimi i të rinjve nga vendi janë përgjegjësia e drejtpërdrejtë e Rilindjes dhe Edi Ramës.

Zemërimi dhe revolta popullore ndihet kudo në çdo qytet të vendit. Qytetarët janë ndërgjegjësuar dhe kanë filluar pjesëmarrjen masive në protesta dhe kudo. Revolta, zemërimi qytetar është ekonomia e cila rëndon çdo ditë familjen shqiptare.

Çmimet e larta, rrogat e ulëta dhe kosto e lartë e jetës ka çuar në kufijtë e mbijetesës familjet në vend. Qeveria si model ka vetëm hajdutërinë, abuzimin, dhe jo politikat ndihmëse për qytetarët në nevojë. Faturat e inceneratorëve vazhdojnë të paguhen çdo dite, koncensionet klienteliste po ashtu, borxhi publik thellohet dhe qytetarët varfërohen.

Është e qartë që kjo nuk është qeveria që mbështet qytetarët, por qeveria e një kaste të ngushtë oligakësh që i shërben regjimit dhe abuzojnë në emër të qytetarëve. Ndaj e vetmja rrugë është bashkimi i çdo energjie popullore për të goditur këtë sistem të kalbur, abuzues dhe korruptiv”, shkruan ish-deputeti./ B.a. – CNA.al

Lajmet e fundit nga