LEXO PA REKLAMA!

SHKARKO APP

E fundit!

x

Inceneratorët/ Manja thumbon Metën: Ka diçka tjetër që ia prish gjumin

12 Korrik 2022, 18:00, Politikë CNA
Inceneratorët/ Manja thumbon Metën: Ka diçka tjetër
Ministri i Drejtësisë, Ulsi Manja

Ministri i Drejtësisë, Ulsi Manja, ka reaguar pas deklaratës së Presidentit Ilir Meta, në lidhje me aferën e inceneratorëve.

Përmes një postimi në rrjetet sociale, Manja shkruan se është ulëritëse që Meta vazhdon ndot dynjanë, ndërsa shton se ka diçka tjetër që i prish gjumin Ilir Metës.

 “Ulëritëse është që Ilir Meta vazhdon ndot dynjanë, ndërkohë që emrat e të vdekurve me të cilët ai luan për të ulëritur, janë nxjerrë nga dosjet e çuara në prokurori prej vitesh nga hetimi tatimor! Po diçka tjetër ia prish gjumin Ilir Metës, dhe nuk ka faj i shkreti…”, shkruan Manja në "Facebook".

Kujtojmë se më herët Meta deklaroi se vetëm lufta e hapur kundër kapjes së shtetit dhe korrupsionit parandalon falimentimin e Shqipërisë.

“Krimi dhe kapja e shtetit ka kapërcyer çdo imagjinatë. Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh. Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më!”, shkruan Meta në rrjetet sociale./A.E-CNA.al

 

Lajmet e fundit nga