web counter
LEXO PA REKLAMA!

SHKARKO APP

App Store
Google Play

E fundit!

x

“Situata është dramatike”/ Meta thirrje Kuvendit: Afera e inceneratorëve, vetëm maja e ajsbergut

12 Korrik 2022, 13:51, Politikë CNA

“Situata është dramatike”/ Meta thirrje Kuvendit: Afera e

Presidenti Ilir Meta ka dalë sot në një deklaratë për mediat, ku ndër të tjera është ndalur edhe tek çështja e inceneratorëve.

Meta e cilësoi skandalin e inceneratorëve, si një babëzi të tejskajshme.

“Lajmet e fundit që dolën dje, ku përveç pensionistëve që janë në azile që figurojnë në veprime që kapërcejnë mbi 30 milionë euro, apo çobani në Greqi me rrogë 300 euro, që rezulton në veprime me miliona euro këtu.

Dhe së fundi për fat të keq, për të kuptuar imoralitetin e tejskajshëm të kësaj babëzie, dje u zbuluan faktet edhe për një qytetare të ndier, që është ndarë nga kjo jetë para 5 vitesh, por në emër të saj janë kryer transaksione miliona euro”-tha Meta.

Më tej, ai i drejtoi edhe një thirrje të fortë Kuvendit të Shqipërisë, të reagojë, ndërsa theksoi se ajo çfarë ka dalë në dritë deri tani në lidhje me inceneratorët, ëstë vetëm maja e ajsbergut.

“Është flagrante dhe poshtëruese kur shohim se në këtë kohë krize kur duhet të ishte rritur mbështetja për qytetarët, që nga shëndeti e deri tek përballimi i minimumit jetik, askush nuk mban përgjegjësi.

E këtë e bëjnë bankat.

Çfarë është ky sistem bankar që pranon firmat e njerëzve që nuk jetojnë apo që janë në azile?

Cfarë është QKB?

Ku është krimi ekonomik?

Kush mban përgjegjësi për këto afera?

Si mund të vazhdojë afera e inceneratorëve kur dihet që këto para shkojnë tek krimi dhe askund tjetër. Është një situatë dramatike. Ftoj Kuvendin të merret me këtë çështje kur nuk ka filluar ende as maja e ajsbergut, e kësaj afere”-deklaroi Meta./CNA.al

 





Lajmet e fundit nga