LEXO PA REKLAMA!

SHKARKO APP

Inceneratorët/ Paralajmëron gazetarja: SPAK-u ka një dosje tjetër, mund të ketë arrestime të reja

29 Korrik 2022, 16:02, Aktualitet CNA
Inceneratorët/ Paralajmëron gazetarja: SPAK-u ka një dosje
Gazetarja Anduena Llabani

Gazetarja Anduena Llabani ka bërë një paralajmërim, teksa ka folur për dosjen e aferës së inceneratorëve në dyert e drejtësisë.

Gazetarja tha në "MCN Tv" se SPAK-u ka administruar një dosje tjetër, të quajtur dosja nr.4 , e cila ka lidhje me përfitimin e 6 milionë dollarëve nga Stela Gugallja dhe Klodian Zoto.

Sipas saj, për këtë dosje mund të bëhen arrestime të reja.

“Ka të reja nga afera më e madhe në vend, ku dyshohet se janë përfshirë dhe ministra. SPAK-u ka administruar një tjetër dosje, dosja numër 4 që ka lidhje me përfitimin e 6 milionë dollarëve që dyshohet se janë përfituar nga Gugallja dhe Zoto që përfaqësojnë dy kompani.

Ka 5 muaj që hetohet, ka rezultuar që në bazë të provave dhe faturave janë bërë transaksione mes dy kompanive dhe të gjitha këto janë bërë me fatura falso. Janë përfituar 6 milionë dollarë, e vetmja provë janë faturat që janë lëshuar nga kompanitë. Provat janë dërguar në SPAK si kompetencë për çështjen dhe vetëm dje SPAK-u e ka administruar atë.

Gjatë hetimit prokuroria ka zbuluar si janë çelur kompanitë. Është çështje që do marrë kohë për hetime dhe verifikime dhe mund të shoqërohet me arrestime të tjera, nuk bëhet fjalë vetëm për ta, por kemi zyrtarë që kanë qenë pjesë të faturave, SPAK do të shkojë më tej nëse do të ketë vullnet”, theksoi ajo.

Gjithashtu, Llabani u ndal tek inceneratori i Tiranës, për të cilin deklaroi se ende nuk kemi parë dritë jeshile nga SPAK-u, përveç dy të arrestuarve.

“Për inceneratorin e Tiranës nuk kemi parë dritë jeshile, prokurorët janë diskretë pasi sipas tyre çështja është delikate. Kemi vetëm dy të arrestuar për inceneratorin e Tiranës, dokumentacioni është i madh, çështja ka mbetur pezull. Edhe pse patëm një komision, dhe informacion specifik nga LSI-ja, kemi dy grupe hetimore që po punojnë për 3 çështje. Kemi masa të vendosura rishtazi, prokurorët nuk kanë konkluduar. SPAK-u ende nuk ka konkluduar dhe duket se është ende në retushimin e informacionit”, u shpreh gazetarja. / B.A. – CNA.al

Lajmet e fundit nga