web counter
LEXO PA REKLAMA!

SHKARKO APP

App Store
Google Play

E fundit!

x

SPAK i sekuestroi pasuritë/ Zbardhet vendimi i Gjykatës për biznesmenin

29 Korrik 2022, 11:06, Aktualitet CNA

SPAK i sekuestroi pasuritë/ Zbardhet vendimi i Gjykatës për

Është zbardhur sot vendimi i Gjykatës së Posaçme Kundër Krimit të Organizuar dhe Korrupsionit, për sekuestron e pasurive të biznesmenit Anton Gjinaj.

Në vendimin e gjykatës thuhet se pasuritë e sekuestruara janë objekt i ligjit antimafia.

Për 23 pasuritë e sekuestruara gjykata ka dalë në përfundimin se ekzistojnë prova se këto pasuri janë përfituar në mënyrë te kundërligjshme.

“Personat që i posedojnë këto prona, të ardhurat e përfituara në mënyrë të ligjshme i kanë më të vogla nga vlera e pronave që disponojnë. Gjithashtu në vendimin e gjykatës thuhet se ka arsye të bazuara për të besuar këto prona mund te tjetërsohen te persona të tjerë me qëllim që ato mos të konfiskohen. 23 pasuritë e sekuestruara i kalojnë agjencisë së administrrimit të aseteve të sekuestruara. Në vendimin prej 14 faqesh gjithashtu thuhet se trafikimi i drogës në vitin 2006, ku ka qenë i përfshirë Pashuk Gjinaj, me vlerë rreth 2 milionë eurosh”, thuhet në deklaratën e Gjykatës.

Kujtojmë këtu se Anton Gjinaj është i dënuar me 8 vite burg nga drejtësia spanjolle, për trafik të lëndëve narkotike. Ai u arrestua në prill të vitit 2021 në Mal të Zi, ndërsa ishte në kërkim nga Spanja.

Gjinaj ishte anëtar i një grupi kriminal që në vitin 2006 organizoi dhe koordinoi importin, magazinimin dhe shitjen e 50 kilogramë heroinë në Spanjë.





Lajmet e fundit nga