web counter
LEXO PA REKLAMA!

SHKARKO APP

App Store
Google Play

Mirë Blushi, po Vjollca Hoxha dhe “Top Channel” ku janë?

16 Mars 2024, 18:50, Aktualitet CNA
Mirë Blushi, po Vjollca Hoxha dhe “Top Channel” ku janë?
Fotomontazh - Vjollca Hoxha, në sfond “Top Channel”

Sot mediat kanë raportuar për një kontroll të ndodhur gati 10 ditë më parë në shtëpinë e ish-deputetit socialist, ish-kreut të “Libra”-s, Ben Blushi.

Kontrolli vjen pasi SPAK ka mundur të verifikojë disa dokumente të publikuara në prill të vitit 2020 në CNA.

 

Dokumentet ekskluzive tregonin një kompani të themeluar në Bullgari nga njerëzit e inceneratorëve Klodian Zoto dhe Mirel Mërtiri, ku aksionere ishte bashkëshortja e Ben Blushit, Eva Blushi.

Kjo kompani, më shumë sesa për të drejtuar gishtin te Ben Blushi, ka një histori miliona eurosh, të cilat kanë shkuar te Vjollca Hoxha dhe trashëgimtarët e “Top Channel”.

Kompania “Em Capital Group” vjen nga Bullgaria dhe blen për 2.2 milionë dollarë 51% të kompanisë “Lori Caffe”, ku aksionerë të vetëm ishin Vjollca Hoxha me fëmijët e saj, pra të njejtët pronarë që sot kanë marrë kontrollin e plotë të aksioneve të “Top Channel”.

Përfituesi i vërtetë i parave është “Top Channel”, është Vjollca Hoxha.

A ka shkuar SPAK-u te Vjollca Hoxha? A do të ketë guxim prokurori Dritan Prençi të shkojë te “Top Channel”, aty ku kanë shkuar paratë?

Nuk janë vetëm këto para, blerja e “Lori Caffe”, kompanisë “Valtelina Kafe”, por janë disa qindra mijëra euro të tjera, me miliona euro të tjera që ka marrë “Top Channel”.

Mirë Blushi, po Vjollca Hoxha dhe “Top Channel” ku janë?
“Top Channel”

CNA e ka treguar me fatura, reklama 50 mijë euro për një muaj, qindra mijëra euro të tjera të paguara. Ka akuza për miliona euro të dhëna në çanta, të shpërndara nga kompanitë e inceneratorëve, janë paratë e dherave, të cilat denoncohen masivisht se janë dhënë për mediat.

Nuk dihet shuma sa ka përfituar “Top Channel”. Ajo që deklarohet shpesh është se një nga kanalet e platformës “Top Channel” përdoret masivisht nga njerëzit e inceneratorëve.

Gjithashtu, televizioni është përdorur për sulme kriminale ndaj prokurorëve të SPAK-ut dhe njerëzve që kishin hetimet e icneneratorëve.

Ka pasur të njejtën gjuhë si Mirel Mërtiri kundër Klodian Brahos dhe prokurorëve që kanë hetuar çështjen.

Çuditësisht SPAK nuk ka shkuar asnjëherë në “Top Channel”, televizionin e paguar nga inceneratorët dhe te Vjollca Hoxha, që ka përftuar miliona euro.

Mirë Blushi, po Vjollca Hoxha dhe “Top Channel” ku janë?
Klodian Braho

Asnjëherë “Top Channel” nuk ka shkruar, nuk ka sulmuar Dritan Prençin, njeriun i cili ka urdhëruar kontrollin për Ben Blushin, por harron të kontrollojë Vjollca Hoxhën, si dhe milionat e eurove që ka përfituar kjo e fundit dhe pronarët e “Top Channel”, ortakët e vërtetë, përfituesit e vërtetë të miliona eurove nga inceneratorët dhe njerëzit bashkëpunëtorë kryesorë të Mirel Mërtirit, të cilët kanë sulmuar SPAK-un për shukat e parave që ky i fundit paguante për llogari të “Top”-it./ CNA





Lajmet e fundit nga